અનુપમા એક એવી સિરીયલ છે જે ભારતની મોટાભાગની સ્ત્રીઓ જોતી હશે. અનુપમા સાથે સ્ત્રીઓને લાગણી પણ બંધાઇ ગઇ હશે.
અનુપમામાં આવશે મોટો ટ્વિસ્ટ
અનુપમાનું હ્રદય થશે તાર તાર
કાવ્યા અને વનરાજના થશે લગ્ન
શરૂઆતથી જ અનુપમા સાથે થતો આવતો દુરવ્યવહાર અને વનરાજની કાવ્યા સાથેના આડાસંબંધોના કારણે આ સિરીયલને ખુબ સારો પ્રતિસાદ સાંપડ્યો છે. એક બાજુ અનુપમાને કેન્સર અને બીજી તરફ વનરાજ-કાવ્યાના લગ્ન. આ દરેક મસાલો TRPની રેસમાં અનુપમાને આગળ વધારે છે.
અનુપમાના આવનારા એપિસોડમાં બતાવવામાં આવશે કે વનરાજ અને કાવ્યા પરણી જશે. સેટ પરથી કેટલીક તસવીરો પણ સામે આવી છે અને વનરાજ-કાવ્યાના લગ્ન જોવા માટે ફેન્સ પણ ઉતાવળા બન્યા છે.
શૂટ દરમિયાન મદાલસા શર્મા એટલે કે કાવ્યા મસ્તી કરતી નજરે આવી હતી. ફોટોમાં મદાલસા ખુબ સુંદર દેખાઇ રહી છે અને દુલ્હન બનીને તે ખુબ ખુશ થઇ રહી છે.
વનરાજની દુલ્હન કાવ્યાની ખુશી સાતમા આકાશ પર છે અને સેટથી જે તસવીરો સામે આવી છે તે જોઇને તમે પણ ખુશ થઇ જશો પરંતુ જ્યારે અનુપમાને આ વાતની ખબર પડશે અને તે તસવીરો જોશે ત્યારે તેનું હ્રદય તૂટી જશે.
ટીવી શો અનુપમામાં રૂપાલી ગાંગુલી હવે નવા ઉદ્દેશ સાથે જોવા મળશે. અનુપમા કહે છે કે તે સમર અને નંદિનીના લગ્ન માટે બા અને વનરાજને મનાવી લેશે. અનુપમા સમર અને નંદિનીને સંભાળે છે, પછી અદ્વૈત અનુપમાને જ્યૂસ આપે છે. આ બધું જોઈને વનરાજને ઈર્ષ્યા થવા લાગે છે. અહીં અનુપમા ઓનલાઇન ક્લાસમાં બાળકોને ડાન્સ શીખવે છે અને આ જોઈને અદ્વૈત તેને તેના દર્દીઓને ડાન્સ શીખવવાનું કહે છે. સમર અનુપમાને સમજાવે છે જે પછી અનુપમા તૈયાર થઈ જાય છે. અદ્વૈત અને અનુપમા વચ્ચે વધી રહેલી મિત્રતા વનરાજને ખટકવા લાગે છે.
કાવ્યા આવનારા એપિસોડમાં આ પરિસ્થિતિનો લાભ લેવાનો પ્રયાસ કરશે. કાવ્યા હવે વનરાજ અને બાનું બ્રેન વોશ કરવાનું શરૂ કરી દેશે. કાવ્યા ઇચ્છે છે કે વનરાજ ફક્ત તેના પર ધ્યાન કેન્દ્રિત કરે અને અનુપમાને સંપૂર્ણપણે ભૂલી જાય. વનરાજ અને અનુપમાના ડિવોર્સ થઈ ગયા છે, જોકે હજી પણ કાવ્યા અસુરક્ષિત અનુભવે છે. કાવ્યા વનરાજનું સમર્થન કરતી દેખાય છે જે સમર અને નંદિનીની સગાઈની વિરુદ્ધ છે.