ભારતની કિમ કાર્દશિયન તરીકે ઓળખાતી અભિનેત્રી કવિતા રાધેશ્યામે ફેસબુક પર જાહેરાત કરી છે કે તેઓ ટૂંક સમયમાં નિર્દેશક વેલુ પ્રભાકરનની થ્રિલર ફિલ્મમાં જોવા મળશે. જેનું શુટીંગ ડિસેમ્બર મહિનામાં શરૂ થશે.
ફરીથી ધૂમ મચાવશે કવિતા રાધેશ્યામ
વેલુ પ્રભાકરનની થ્રિલર ફિલ્મમાં જોવા મળશે
આગામી ડિસેમ્બર મહિનામાં શરૂ થશે શુટીંગ
કવિતાએ ઈન્સ્ટાગ્રામ પર શેર કરી પોસ્ટ
કવિતાને તેના બોલ્ડ દેખાવ માટે ઓળખવામાં આવે છે. હવે એવામાં જોવુ રસપ્રદ રહેશે કે આ ફિલ્મમાં દર્શકોના દિલના ધબકારા કેવીરીતે વધે છે. વેબ સીરીઝ કવિતા ભાભીથી ધૂમ મચાવનારી અભિનેત્રી કવિતા રાધેશ્યામે ફેસબુક અને ઈન્સ્ટાગ્રામ પર ડાયરેક્ટર વેલુની સાથે એક પોસ્ટ શેર કરી છે. જેમાં તેણે ડાયરેક્ટર સાથે બોલ્ડ પોઝ આપ્યો છે. આ તસ્વીરને શેર કર્યાની સાથે અભિનેત્રીએ તેના નવા પ્રોજેક્ટની જાહેરાત કરી છે. થ્રિલર ફિલ્મ ‘Oru Pisaacin Diary’માં અભિનેત્રી જોવા મળશે. જેમાં તેની સાથે મુખ્ય રોલમાં વેલુ હશે.
કવિતા અને ડાયરેક્ટરની કેમેસ્ટ્રી રસપ્રદ રહેશે
કવિતા દ્વારા શેર કરવામાં આવેલી તસ્વીરમાં પ્રતિત થઇ રહ્યું છે કે વેલુ ભગવાનમાં વિશ્વાસ રાખી રહ્યાં છે. જ્યારે અભિનેત્રી ભયજનક લુકમાં દેખાઈ રહી છે. એવામાં બંને વચ્ચેની કેમેસ્ટ્રીને જોવી ખૂબ રસપ્રદ રહેશે. તસ્વીર પરથી સ્પષ્ટ થઇ રહ્યું છે કે તેમાં કવિતાનું પાત્ર અત્યાર સુધીની દરેક ફિલ્મોથી અલગ જ હશે. જેનું શુટીંગ ચાલુ વર્ષે ડિસેમ્બરથી શરૂ થશે.
મહત્વનું છે કે, કવિતા રાધેશ્યામે હિન્દી ફિલ્મોથી લઇને કન્નડ, તેલુગૂ અને તામિલ ફિલ્મોમાં પણ કામ કર્યુ છે. અભિનેત્રીને વેબ સીરીઝનો ક્વીનનો દરજ્જો પણ મળ્યો છે. ફક્ત 'કવિતા ભાભી' હી નહીં, તેમની અન્ય વેબ સીરીઝ પણ ખૂબ ચર્ચામાં રહી છે. જેમ કે રખેલ. આ સિવાય વર્ષ 2012માં કવિતાની એક ફિલ્મ રિલીઝ થઇ હતી. પાંચ કલાકમાં પાંચ કરોડ. આ ફિલ્મમાં અભિનેત્રીનો ખૂબ જ બોલ્ડ અવતાર જોવા મળ્યો હતો.