અકસ્માત / રોડના કિનારે ઉભી કાર પર ટ્રક પલટાતા 8ના મોત, લગ્નમાંથી પાછા ફરી રહ્યા હતા મૃતકો

• લગ્નના સમારોહમાં જઈને પાછા ફરી રહ્યા હતા મૃતકો
• ઘટનામાં અધિકારીની પત્ની અને દીકરીનું પણ મોત થયું 
• ટ્રકમાં ગ્રીટ ભરેલી હતી જેથી તે કાર સવાર બહાર ન નીકળી શક્યા

લગ્નના સમારોહમાં જઈને પાછા ફરી રહ્યા હતા મૃતકો

મૃતકોમાં મહિલાઓ, બાળકો સહિત પુરુષોનો સમાવેશ થયો છે. આ તમામ સ્થાનીક હોવાનું કહેવામાં  આવી રહ્યું છે. જે એક લગ્ન પ્રસંગમાંથી પાછા ફરી રહ્યા હતા. સ્થળ પર હાજર ડીએમ અમિત સિંહે 8 લોકોના મોત થાયની ખરાઈ કરી છે. 7 લોકોના સ્થળ પર મોત થયા છે. જ્યારે એક મહિલાનું  સારવાર દરમિયાન મોત થયું છે. મળતી માહિતી મુજબ ટ્રકનું ટાયર ફાટી જતા ઘટના ઘટી હતી. ટ્રકમાં ગ્રીટ ભરેલી હતી. જેના કારણે તે કાર સવાર બહાર ન નીકળી શક્યા. ડીએમએ જણાવ્યું કે આ કેસની તપાસ થઈ રહી છે. પીડિત પરિવારને શક્ય મદદ કરવામાં આવશે.

ઘટનામાં અધિકારીની પત્ની અને દીકરીનું પણ મોત થયું 

મળતી જાણકારી મુજબ કોખરાજના શહજાદપુરથી તમામ જાનૈયા ભાગ લેવા માટે આવ્યા હતા. જાન સિરાથૂમાં તૈનાત ગ્રામ્ય રેકોર્ડ રાખનાર અધિકારના ઘરેથી આવી હતી. આ ઘટનામાં અધિકારીની પત્ની અને દીકરીનું પણ મોત થયું છે.