પત્નીથી લઇને દિકરી-વહુ સુધી ઘરે આ ભાષામાં વાત કરે છે બિગ બી

ટેલિવિઝનનો પૉપ્યુલર ગેમ શો 'કોન બનેગા કરોડપતિ'ની દસમી સિઝન કાલથી શરૂ થશે. સામાન્ય વ્યકિતના કરોડપતિ બનવાને સપનાંને પૂરુ કરવાની સાથે બીજી ઘણી વાતના કારણે ઓડિયન્સમાં લોકપ્રિય છે. આ શોને હોસ્ટ બોલિવુડના મહાનાયક અમિતાભ બચ્ચન હોસ્ટ કરે છે. અમિતાભ બચ્ચન આ શો પર રાષ્ટ્રીય ભાષા હિંદીમાં વાત કરે છે. હિંદી ભાષા પર બિગ બીની પકડ ઘણી સારી છે. 

'કોન બનેગા કરોડપતિ'ની દસમી સિઝન 3 સપ્ટેમ્બરથી શરૂ થવાની છે ત્યારે અમિતાભ બચ્ચનને તાજેતરમાં જ પૂછવામાં આવ્યુ કે શું તેમને લાગે છે કે નવી પેઢી હિંદીનો ઉપયોગ ખૂબ ઓછો કરી રહી છે અને પ્રશ્ચિમી ભાષા તરફ ઢળી રહ્યા છે. 

આ સવાલનો જવાબ આપતા બિગી બીએ કહ્યુ કે હા હું આ વાત સાથે સહમત છે. જ્યારે KBCની વાત આવે છે તો હું બળજબરી થોપતો નથી પરંતુ શોની ભાષા હિંદી છે. આ જ કારણે હું હિંદી બોલું છે જો યુવાનો હિંદી બોલે છે તો તે સારી વાત છે. 

જ્યારે બિગ બીને પૂછવામાં આવ્યુ કે ઘરે કઇ ભાષા બોલો છે ત્યારે તેમણે જવાબ  આપ્યો કે ''અમે યુનિવર્સલ ભાષા બોલીએ છીએ. અમે બંને હિંદી અને  અંગ્રેજીમાં બોલીએ છીએ અમારા પરિવારમાં કેટલાક ઉત્તર ભારતથી જ્યારે કેટલાક દક્ષિણ અને પ્રશ્ચિમ બંગાળથી છે. જો તમે અમારા ઘરે આવો તો અમે હિંદી પજાંબી બંગાળી અને અન્ય ભાષામાં પણ વાત કરીએ છીએ.''

ઉલ્લેખનીય છે કે 'કોન બનેગા કરોડપતિ' 3 સપ્ટેમ્બર સોમવારથી શુક્રવાર સુધી રાતે 9 કલાકે ટેલિકાસ્ટ થશે. ફરી એક વખત બોલિવુડના મહાનાયકને સ્મોલ સ્ક્રીન પર જોવા માટે ઓડિયન્સ આતુર છે.