અમિતાભે શોમાં પોતાની પત્ની જયા બચ્ચનની ફેવરીટ ડિશ અંગે પણ જણાવ્યું. તેમણે કહ્યું કે જયા બચ્ચનને ખાવામાં ફિશ વધુ પસંદ છે, પરંતુ તેમણે જાતે હવે ફિશ અને અન્ય વસ્તુઓ ખાવાની છોડી દીધી છે. અમિતાભ હવે કઈ વસ્તુઓથી દૂર રહે છે, આવો જાણીએ.
80 વર્ષની ઉંમરમાં અમિતાભ બચ્ચન કેવીરીતે રહે છે ફિટ?
કેબીસીના મંચ પર અમિતાભે ફેવરીટ ડિશ અંગે જણાવ્યું
જયા બચ્ચનને ખાવામાં શુ વધારે પસંદ છે, તે પણ જણાવ્યું
અમિતાભે પોતાની ફેવરીટ ડિશ અંગે જણાવ્યું
હિન્દી સિનેમાના મહાનાયક અમિતાભ બચ્ચન દરેક વસ્તુઓમાં અવ્વલ છે. અભિનય ક્ષેત્રમાં મહારત પ્રાપ્ત કરનારા અમિતાભ પોતાના લુક અને ફિટનેસને લઇને પણ ચર્ચામાં રહે છે. અમિતાભની ફિટનેસ અને તેના ફેશન સેન્સની આગળ તો ઘણા યુવાનો આછા પડે છે. હવે કેબીસીના મંચ પર 80 વર્ષના અમિતાભે પોતાની ડાયટ અને ફેવરીટ ડિશ અંગે જણાવ્યું.
અમિતાભે નથી ખાતા આ વસ્તુઓ
અમિતાભ બચ્ચન પોતાના શો કોન બનેગા કરોડપતિમાં વારંવાર સ્પર્ધકો સાથે મજાક-મસ્તી કરતા દેખાય છે. હવે શોમાં હોટ સીટ પર બેઠેલા સ્પર્ધક Vidya Uday Redkar સાથે વાતચીત કરતા અમિતાભે પોતાના ડાયટને લઇને વાત કરી. અમિતાભે શોમાં પોતાની પત્ની જયા બચ્ચનની ફેવરીટ ડિશ અંગે જણાવ્યું. તેમણે કહ્યું કે જયા બચ્ચનને ખાવામાં ફિશ વધારે પસંદ છે, પરંતુ તેમણે જાતે હવે ફિશ અને અન્ય વસ્તુઓ ખાવાનુ છોડી દીધુ છે.
અમિતાભ ફિશ કેમ ખાતા નથી?
શોમાં સ્પર્ધકે અમિતાભ બચ્ચનને તેમના ફેવરીટ ફૂડ અંગે પૂછ્યુ. સ્પર્ધકે કહ્યું જયાજીને ફિશ વધારે પસંદ છે ને? જેના પર બિગબીએ જવાબ આપ્યો, હા ખૂબ વધારે પસંદ છે. સ્પર્ધકે જ્યારે અમિતાભને પૂછ્યુ કે શું તેમને પણ ફિશ પસંદ છે? જેના પર અભિનેતાએ કહ્યું મેં છોડી દીધુ છે. ઘણી બધી વસ્તુઓ છોડી દીધી છે. જવાનીમાં બધુ કરવાનુ મન કરે છે, તો અત્યારે માસ ખાવાનુ છોડી દીધુ છે. હાલમાં મીઠુ ખાવાનુ છોડી દીધુ છે, ચોખા છોડી દીધા છે. પાન છોડી દીધુ છે. અમિતાભની આ વાત પર બધા સ્પર્ધકો હસવા લાગ્યા.