ટીવી શો કોન બનેગા કરોડપતિ 14ના મંચ પર અમિતાભ બચ્ચન માટે એક સરપ્રાઈજ રાખવામાં આવશે. પ્રોમો વીડિયોમાં બિગ બીને રોતા જોઇ શકાય છે.
અમિતાભના 80મા જન્મ દિવસે કેબીસીના નિર્માતાઓએ સરપ્રાઈઝ પ્લાન કર્યો
પત્ની જયા બચ્ચન અને પુત્ર અભિષેક બચ્ચનને બોલાવવામાં આવ્યાં
પત્ની અને પુત્રને જોઇને કેબીસીના આંખમાં આવી ગયા આંસુ
કેબીસીના મંચ પર અમિતાભ બચ્ચન માટે એક સરપ્રાઈઝ
બોલીવુડ અભિનેતા અમિતાભ બચ્ચન થોડા સમયમાં 80 વર્ષના થવાના છે. તેમના 80મા જન્મ દિવસે કેબીસી 14ના નિર્માતાઓએ શોમાં એક સરપ્રાઈઝ પ્લાન કર્યો અને કેબીસીના મંચ પર તેમની પત્ની જયા બચ્ચન અને પુત્ર અભિષેક બચ્ચનને બોલાવવામાં આવ્યો. આ પળ બિગબીને ભાવુક કરનારી છે. અપકમિંગ એપિસોડમાં જોવા મળશે કે તેમને કેવીરીતે પોતાની પત્ની અને પુત્રને જોઇને આંખમાં આંસુ આવી જાય છે.
અભિષેકે અચાનક સ્ટેજ પર આવીને બિગ બીને હેરાન કર્યા
11 ઓક્ટોબર 2022ના રોજ અમિતાભ બચ્ચનનો 80મો જન્મ દિવસ છે. બિગ બી છેલ્લાં 22 વર્ષોથી કેબીસી સાથે જોડાયેલા છે. એવામાં આ વખતે કોન બનેગા કરોડપતિ 14ના સેટ પર નિર્માતાએ તેમના જન્મ દિવસ પર સરપ્રાઈઝ રાખી. તેમની પત્ની જયા અને અભિષેકે અચાનક સ્ટેજ પર આવીને બિગ બીને હેરાન કરી દીધા. અપકમિંગ એપિસોડનો પ્રોમો સોની ટીવીએ ઈન્સ્ટાગ્રામ એકાઉન્ટ પર શેર કર્યો છે.
વીડિયોમાં જોઇ શકાય છે કે અભિષેક બચ્ચન તેના પિતા બિગ બીની સામે હોટસીટ પર બેઠા છે અને તે બિગ બીના ફેમસ ડાયલોગ દ્વારા પોતાની માં જયાને બોલાવે છે. મંચ પર પોતાની પત્ની જયાને જોઇને અમિતાભ બચ્ચન ભાવુક થાય છે અને તેમની આંખમાંથી આંસુ નિકળવા લાગે છે. એટલું જ નહીં, જયા બચ્ચન દર્શકોની સામે બિગ બી માટે કઈક એવી વાત કહે છે, ત્યારબાદ અમિતાભ બચ્ચન પોતાના આંસુ રોકી શકતા નથી. આ 11 ઓક્ટોબરના એપિસોડમાં જાણવા મળશે કે જયા બિગબીને લઇને શું ખુલાસો કરવાની છે.