નિવેદન / 'PM મોદી સાથે ડિનર ડેટ પર જવાની ઇચ્છા છે': કેટરિના કૈફ

'ભારત' ફિલ્મની લોકો આતુરતાથી રાહ જોઇ રહ્યા છે. ફિલ્મમાં સલમાન ખાન અને કેટરિના કૈફની જોડી એક સાથે જોવા મળશે. હાલમાં આ બંને ફિલ્મના પ્રમોશનમાં બિઝી છે. હાલમાં જ ખાસ વાતચીત દરમિયાન સલમાન-કેટરિનાએ એકબીજા વિશે રોમાંચક વાતો કહી. 

ઈન્ટરવ્યૂ દરમિયાન કેટરિનાને પૂછવામાં આવ્યું કે તે કયા ત્રણ લોકો સાથે ડિનર કરવા ઇચ્છે છે? કેટરિનાએ સમજી વિચારીને જવાબ આપ્યો અને 3 નામ જણાવ્યા. કેટરિનાએ પહેલુ નામ અમેરિકન એક્ટ્રેસ મર્લિન મુનરોનુ નામ લીધુ. બીજુ નામ તેણે ભારતના પ્રધાનમંત્રી નરેન્દ્ર મોદીનુ લીધુ અને ત્રીજુ નામ પૂર્વ યૂનાઇટેડ સ્ટેટ સેક્રેટરી કોંડોલીજા રાઇસનું લીધુ.

જ્યારે સલમાનને આ જ મામલે સવાલ પૂછવામાં આવ્યો તો તે વધારે ઉત્સાહી નહોતો જણાયો. તેણે મસ્તી ભર્યા અંદાજમાં કહ્યુ કે, , હું આઈ મી અને માય સેલ્ફ સાથે ડિનર કરવાને વધારે કન્ફર્ટેબલ ફિલ કરીશ. હું બહાર ડિનર પર જવાથી વધારે ઘરે પોતાના પરિવાર સાથે ડિનર કરવાનું પસંદ કરીશ. 

ઉલ્લેખનીય છે કે કેટરિના ઉપરાંત સલમાન ખાનના પિતા સલિમ ખાન પણ ફિલ્મના પ્રમોશન દરમિયાન સાથે જોવા મળ્યા હતા. ભારત ફિલ્મ 5 જૂને ઇદના દિવસે રિલીઝ થઇ રહી છે. ફિલ્મના ટ્રેલર અને સોંગ્સથી દર્શકોમાં ખૂબ જ આતુરતાથી રાહ જોઇ રહ્યા છે. ફિલ્મમાં સલમાન પાંચ અલગ-અલગ લૂકમાં જોવા મળશે. આ ફિલ્મને અલી અબ્બાસ ઝફરે ડિરેક્ટ કરી છે.