ક્રાઈમ / કૈટરીના અને વિકી કૌશલને મારી નાખવાની ધમકી આપનાર શખ્સ ઝડપાયો, પોલીસને કરી ચોંકાવનારી વાત

• બોલિવુડ કપલ કૈટરીના-વિકીને મારી નાખનાર શખ્સ ઝડપાયો
• લખનઉના રહેવાશી મનવિંદરની ધરપકડ
• કૈટરીનાને એકતરફી પ્રેમ કરતો હતો, લગ્નથી નારાજ હતો

મુંબઈ પોલીસે કૈટરીના અને વિકી કૌશલને ધમકી આપનાર શખ્સ મનવિંદરની ધરપકડ કરી લીધી છે. પોલીસે જણાવ્યું કે એક આરોપીનું નામ મનવિંદર સિંહ છે અને તે લખનઉનો છે. પોલીસ પૂછપરછમાં મનવિંદરે એવો ખુલાસો કર્યો હતો કે તે કૈટરીના કૈફના પ્રેમમાં પાગલ છે અને તેની સાથે લગ્ન કરવા માગતો હતો, પરંતુ તેના લગ્ન વિકી સાથે થયાની વાત તે પચાવી શકતો નહોતો અને તેથી તેણે ગુસ્સામાં આવીને તેમને જાનથી મારી નાખવાની ધમકી આપી હતી. પોલીસે કહ્યું કે આરોપી મનવિંદર કેટરીનાનો મોટો ચાહક છે અને આરોપીએ તેના ઈન્સ્ટા હેન્ડલ પર કેટરીનાને ગર્લફ્રેન્ડ ગણાવી છે. 

#UPDATE | Man, accused of threatening Katrina Kaif and Vicky Kaushal through social media, arrested by Police: Mumbai Police

— ANI (@ANI) July 25, 2022

કૈટરીના સાથે લગ્ન કરવા માગતો હતો શખ્સ 
પોલીસે કરેલી પૂછપરછ દરમિયાન આરોપીએ કબૂલાત કરી હતી કે, તે કેટરિના કૈફના એકતરફી પ્રેમમાં હતો. એટલું જ નહીં, તે કેટરિના કૈફની ઇશ્કને લઇને એટલો ભ્રમિત થઇ ગયો હતો કે તે અભિનેત્રી સાથે લગ્ન કરવા માંગતો હતો.

#UPDATE सोशल मीडिया के जरिए कैटरीना कैफ और विक्की कौशल को धमकाने वाले आरोपी को पुलिस ने गिरफ्तार किया: मुंबई पुलिस

— ANI_HindiNews (@AHindinews) July 25, 2022

ઈન્સ્ટાગ્રામ પર આરોપીએ કેટરિનાને પત્ની જાહેર કરી 

પોલીસે જે આરોપી વ્યક્તિની ધરપકડ કરી છે તેનું ઇન્સ્ટાગ્રામ એકાઉન્ટ જોઇને તમે પણ દંગ રહી જશો. આ વ્યક્તિએ ઇન્સ્ટાગ્રામ પર પોતાનું નામ કિંગ આદિત્ય રાજપૂત🇮🇳 વીવીઆઇપી લખ્યું છે. પ્રોફાઇલ બાયોમાં આ વ્યક્તિએ પોતાને એક અભિનેતા તરીકે વર્ણવ્યો છે. સૌથી ચોંકાવનારી વાત એ છે કે આ વ્યક્તિએ મારી ગર્લફ્રેન્ડ/પત્નીને બાયોમાં @katrinakaif લખ્યું છે. આરોપીએ કેટરિનાના ઓફિશિયલ આઈડીને પણ ટેગ કર્યું છે.

વિકીએ સાંતાક્રુઝ પોલીસ સ્ટેશનમાં ફરિયાદ નોંધાવી હતી 
આ કેસમાં વિકીએ મુંબઈના સાંતાક્રુઝ પોલીસ સ્ટેશનમાં ફરિયાદ નોંધાવી હતી, જે બાદ પોલીસે અજાણ્યા વ્યક્તિ સામે ગુનો નોંધી કેસની તપાસ શરૂ કરી હતી. આદિત્ય રાજપૂત નામના વ્યક્તિ પર સોશિયલ મીડિયા પર ધમકી આપવાનો આરોપ લાગ્યો હતો. પોલીસ વિક્કી કૌશલની ફરિયાદ પર આદિત્ય વિરુદ્ધ તપાસ કરી રહી છે. વિક્કી કૌશલની ફરિયાદ પર પોલીસે આઈટી એક્ટની કલમ 506(2), 354(ડી) આઈપીસી આર/ડબલ્યુ કલમ 67 હેઠળ કેસ નોંધ્યો છે. વિકી કૌશલે આરોપ લગાવ્યો છે કે એક વ્યક્તિ તેને ઇન્સ્ટાગ્રામ પર મેસેજ દ્વારા ધમકી આપી રહ્યો છે. તેણે એવો પણ આક્ષેપ કર્યો હતો કે આરોપી તેની પત્ની કેટરિના કૈફ પર પણ નજર રાખી રહ્યો છે અને તેને ધમકાવી રહ્યો છે.

વિકી અને કેટરિનાએ ગયા વર્ષે 9 ડિસેમ્બરે લગ્ન કર્યા હતા
વિકી કૌશલ અને કેટરિના કૈફે ગયા વર્ષે 9 ડિસેમ્બરે લગ્ન કર્યા હતા. હાલમાં જ બંને સ્ટાર્સ પોતાના નજીકના મિત્રો સાથે કેટરીનાનો બર્થડે સેલિબ્રેટ કરવા માલદીવ ગયા હતા. 16 જુલાઈએ કેટરીનાએ પોતાનો 39મો જન્મદિવસ ઉજવ્યો હતો. ત્યાંથી બંને સ્ટાર્સની ઘણી ખાસ તસવીરો પણ સામે આવી હતી.