અભિનેત્રી કેટરીના કૈફ અને વિક્કી કૌશલે ગયા વર્ષે ડિસેમ્બરમાં એકબીજાની સાથે સાત ફેરા લીધા. આ લગ્નને ખૂબ ખાનગી રાખવામાં આવ્યાં હતા. આખરે હવે કેટરીનાએ આ રહસ્ય પરથી પડદો ઉઠાવ્યો છે તેના લગ્નને કેમ ખાનગી રાખવામાં આવ્યાં હતા.
આખરે કેટરીનાએ પોતાના સિક્રેટ લગ્ન અંગેનુ ખોલ્યું રાજ
કોરોનાના કારણે અમે મજબૂર હતા
મારો પરિવાર કોવિડથી પ્રભાવિત હતો તેથી અમે કોઈને જાણ ના કરી
… તો આ કારણે કેટરીનાએ લગ્ન ખાનગી રાખ્યા હતા
લગ્નને લઇને આટલી સુરક્ષા અને ખાનગીપણુ રાખવાને લઇને વારંવાર કેટરીના અને વિક્કીને સવાલ પૂછવામાં આવે છે. હાલમાં કૉફી વિથ કરણમાં કરણ જોહરે આ અંગે વિક્કી કૌશલે રમૂજી અંદાજમાં કોમેન્ટ પણ કરી હતી. તો આખરે કેટરીનાએ હવે આ રહસ્ય પરથી પડદો ઉઠાવ્યો છે. હાલમાં વિક્કી અને કેટ ફિલ્મફેર એવોર્ડસના રેડ કાર્પેટ પર દેખાયા હતા. આ દરમ્યાન કેટરીનાને જ્યારે તેના સિક્રેટ લગ્ન અંગેનુ કારણ પૂછવામાં આવ્યું તો કેટરીનાએ કહ્યું, લગ્નને ખાનગી રાખવાના પ્રયાસથી વધુ અમે કોવિડથી મજબૂર હતા. દુર્ભાગ્યવશ અમે અંગત રીતે તેનાથી પ્રભાવિત હતા. મારો પરિવાર કોવિડથી પ્રભાવિત હતો અને આ એક એવી વસ્તુ હતી જેને અમે ગંભીર રીતે લીધુ હતી. કેટે વધુમાં કહ્યું, મારા વિચારથી આ વર્ષ ખૂબ શ્રેષ્ઠ છે. પરંતુ ગયા વર્ષે જે સ્થિતિ હતી તેનાથી અમે પોતે સંતર્ક રહેવા માગતા હતા. પરંતુ અમારા લગ્ન ખૂબ શાનદાર રહ્યાં અને અમે બંને ખુશ છીએ.
કામની વાત કરીએ તો કેટરીના ટૂંક સમયમાં સિદ્ધાંત ચતુર્વેદી અને ઈશાન ખટ્ટરની સાથે હૉરર-કૉમેડી ફિલ્મ ફોન ભૂતમાં જોવા મળશે. આ ફિલ્મ 4 નવેમ્બર 2022ના રોજ રીલીઝ થશે. આ ઉપરાંત કેટરીના ટાઈગર 3માં પણ દેખાશે. આ ઉપરાંત તેની પાસે મેરી ક્રિસમસ અને જી લે જરા પણ છે. જી લે જરામાં તે પ્રિયંકા ચોપડા અને આલિયા ભટ્ટની સાથે સ્ક્રીન શેર કરશે.
લગ્ન બાદ વિક્કી સાથે સ્ક્રીન શેર કરશે
મહત્વનું છે કે લગ્ન બાદ કેટરીના અને વિક્કી કૌશલ તરત જ સ્ક્રીન શેર કરતા દેખાશે. જો કે, રિપોર્ટસ મુજબ બંને કોઈ ફિલ્મમાં એકસાથે દેખાશે નહીં. પરંતુ એક એડ ફિલ્મમાં બંનેની જોડી દેખાશે.