શાહરૂખ ખાન કેટરિના કૈફ અને અનુષ્કા શર્મા સ્ટારર ફિલ્મ 'ઝીરો' 21 ડિસેમ્બરના રિલીઝ થવા જઇ રહી છે. આ ફિલ્મનું ટ્રેલર આવતાની સાથે જ લોકો ફિલ્મની રિલીઝ થવાની આતુરતાથી રાહ જોઇ રહ્યા છે. ફિલ્મના ટ્રેલર પછી અત્યાર સુધી 2 સોન્ગ્સ રિલીઝ થઇ ચૂક્યા છે જેણે ફિલ્મની રિલીઝ પહેલા જ સફળતાના તમામ રેકોર્ડ્સ તોડી દીધા છે. પહેલું સોન્ગ મેરા નામ તૂ.. રિલીઝ કરવામાં આવ્યુ જેમાં અનુષ્કા-શાહરૂખની વચ્ચે કેમેસ્ટ્રી જોવા મળી રહી છે જ્યારે બીજું સોન્ગ ઇશ્કબાઝી... રિલીઝ થયું જેમાં 'કરણ-અર્જૂન' એટલે કે શાહરૂખ ખાન- સલમાન ખાન વર્ષો પછી સાથે ડાન્સ કરતા જોવા મળ્યા ત્યારે તાજેતરમાં 'હુસ્ન પરચમ'નું ટિઝર શાહરૂખે પોતાના સોશ્યલ મીડિયા એકાઉન્ટ્સ પર કર્યુ.
આ ટિઝર શૅર કરતા શાહરૂખે ટ્વીટ કર્યુ કે 'પૂરે દેશમે ચક્કાજામ લગ જાયેગા જબ બબિતા કુમારી કા હુસન પરચમ લહેરાયેગા. આને જા રહા હૈ 12 ડિસેમ્બર કો ફિલ્મ કા શાનદાર ગાના' . આ સોન્ગમાં કેટરિના કૈફની સિઝલિંગ પરફૉર્મન્સ જોવા મળશે. મિનિ સ્કર્ટ-ટૉપમાં કેટરિના કર્લી હેરમાં સુંદર લાગી રહી છે. કેટરિના તેની પહેલા 'ઠગ્સ ઑફ હિન્દોસ્તાન' માં સુરૈયાના રોલમાં જોવા મળી હતી. ફિલ્મમાં કેટરિનાના ડાન્સ સ્ટેપ્સની ખૂબ જ પ્રશંસા થઇ હતી.