BOLLYWOOD / બોલિવુડ અભિનેતાએ કર્યો ચોંકાવનારો ખુલાસો, વિકી કૌશલ પત્ની કેટરીના કૈફથી ડરે છે, કારણ જાણીને ચોંકી જશો

• વિકી કૌશલ અને કેટરિના કૈફ ગ્લેમરસ કપલ્સમાંથી એક 
• વિકી કૌશલ'જરા હટકે જરા બચકે'ના પ્રમોશનમાં વ્યસ્ત
• પ્રમોશન દરમિયાન વિકીએ તેના લગ્ન જીવન વિશે ખુલાસા કર્યા 

વિકી કૌશલ અને કેટરિના કૈફ મનોરંજન ઉદ્યોગના ગ્લેમરસ કપલ્સમાંથી એક છે. બંને ઘણીવાર પોતાના રોમાંસ અને બોન્ડથી બધાને ચોંકાવી દે છે. ઘણી ઈવેન્ટ્સ અને ઈન્ટરવ્યુમાં બંને એકબીજા વિશે વાત કરતા જોવા મળ્યા છે. વિકી છેલ્લા કેટલાક સમયથી તેની ફિલ્મ 'જરા હટકે જરા બચકે'ના પ્રમોશનમાં વ્યસ્ત હતો. પ્રમોશન દરમિયાન વિકીએ તેના લગ્ન જીવન વિશે ઘણા ખુલાસા કર્યા હતા. પોતાના અંગત જીવનનો બીજો કિસ્સો શેર કરતા તેણે કહ્યું કે કેટરિનાને તેના ડાન્સ રિહર્સલના વીડિયો જોવો ગમે છે.

વિકી કેટરીનાથી ડરે છે

એક ઈન્ટરવ્યુમાં વિકીએ તેના સુખી લગ્ન જીવનના ઘણા રહસ્યો જાહેર કર્યા. તેની પત્ની કેટરિના વિશે વાત કરતાં તેણે કહ્યું હતું કે તેને મારા ડાન્સ રિહર્સલના વીડિયો જોવો ગમે છે. વિકીએ કહ્યું કે જ્યારે પણ તે કોઈ ગીતનું શૂટિંગ કરતી હોય છે, ત્યારે તે મને મારા ડાન્સ રિહર્સલનો વીડિયો ચોક્કસ પૂછે છે. તેણે વધુમાં જણાવ્યું કે કેટરિના ખૂબ જ સારી ડાન્સર હોવાથી તેને મારા ડાન્સમાં પણ ખામીઓ જોવા મળે છે અને તેના કારણે વિકી કેટરિનાને તેના ડાન્સ વીડિયો બતાવવામાં ડરે ​​છે.

કેટરિના હજારો ભૂલો શોધે છે

વધુમાં વિકીએ કહ્યું, જ્યારે હું કોઈ ગીતનું શૂટિંગ કરી રહ્યો હોઉં ત્યારે કેટરિનાને તેનો રિહર્સલ વીડિયો જોવો જ પડે. કારણ કે તે ખૂબ જ સારી ડાન્સર છે. જોકે, જ્યારે હું તેને મારા ડાન્સ વીડિયો બતાવું છું, ત્યારે હું ડરી જાઉં છું કારણ કે તેને તેમાં 36,000 ભૂલો કાઢે છે. તે કહેવા લાગે છે કે મારા પગ, મારા હાથ બરાબર નથી અને મારે તેને સુધારવું જોઈએ.