બોલિવુડ એક્ટ્રેસ કેટરિના કૈફ છેલ્લા કેટલાક સમયથી સલમાન ખાનની સાથે 'દબંગ' ટૂર પર છે. આ ટૂર માટે એક્ટ્રેસ વિદેશમાં ફરી રહી છે. જોકે કેટરીના કૈફને વિદેશમાં એવો અનુભવ થયો હતો કે તે કદાચ ક્યારેય ભૂલી ન શકે. કેટરીના કૈફે ફેનને ફોટો પાડવાની ના પાડી હતી તો ફેને તેનો હુરિયો બોલાવીને અપમાન કર્યું હતું.
જી હા કેનેડાના વાનકુંવરમાં જ્યારે પરફૉર્મન્સ કર્યા પછી કેટરિના પરત ફરી રહી હતી ત્યારે કેટલાક ફેન્સે તેની સાથે સેલ્ફી અને ઓટોગ્રાફ લેવાની જિદ્દ કરી પરંતુ કેટરિનાએ ના પાડતા તેની સાથે ખરાબ વર્તન કરવામાં આવ્યું જેનો વીડિયો સોશ્યલ મીડિયા પર ખૂબ જ વાયરલ થઇ રહ્યો છે.
આ વીડિયોમાં કેટરિના એવું કહેતી સંભળાય છે કે હું તમારી સાથે ફોટો નથી પડાવવા માગતી. જ્યારે તે પોતાની કાર તરફ જઈ રહી હોય છે ત્યારે ફેન્સ તેની ઉતાવળના કારણે નારાજ થઈ જાય છે અને તેનો હુરિયો બોલાવવા લાગે છે. આ પછી કેટરિના તેને જવાબ આપે છે અને નારાજ ફેન્સ તેના એટીટ્યૂડને લઈને કમેન્ટ કરવા લાગે છે. કેટરિના કૈફથી ફેન્સ ઘેરાઈ જાય છે અને તેની સાથે સેલ્ફી પાડવા લાગે છે. કેટલાક લોકોએ કમેન્ટ કરી હતી કે ''તેઓ સલમાનને જોવા માટે આવ્યા છે કેટરીના માટે નથી આવ્યા'' તો એક ફેને એવી પણ કમેન્ટ કરી હતી કે ''સલમાનને બોલાવવો જોઈએ.''
કેટરિના કૈફ ડિરેક્ટર આનંદ એલ રાયની અપકમિંગ ફિલ્મ 'ઝીરો'માં જોવા મળશે. ફિલ્મમાં શાહરૂખ અને અનુષ્કા શર્મા પણ લીડ રોલમાં છે. આ પછી કેટરિના આમિર ખાન સ્ટારર ફિલ્મ 'ઠંગ્સ ઑફ હિંદોસ્તાન'માં જોવા મળશે.