ખુલાસો / રણબીર સાથે બ્રેકઅપ પછી ધ્રુસકે-ધ્રુસકે રડતી હતી કેટરિના, આવી થઇ ગઇ હતી હાલત

બોલિવુડ એક્ટર રણબીર કપૂર અને આલિયા ભટ્ટ પોતાના રિલેશનશિપને લઇને સતત ચર્ચામાં છે. બંનેને ઘણી વખત એકબીજા સાથે ટાઇમ સ્પેન્ડ કરતા અને ડિનર ડેટ પણ જોવા મળ્યા છે. રણબીરની લાઇફમાં આલિયા ભટ્ટ પહેલી એક્ટ્રેસ નથી જેણે તેને ડેટ કરી હોય. આ પહેલા રણબીરનું નામ દીપિકા પાદુકોણ અને કેટરિના કૈફ સાથે પણ જોડાઇ ચૂક્યુ છે. તાજેતરમાં 'ભારત'ના પ્રમોશનમાં બિઝી એક્ટ્રેસ કેટરિનાએ જણાવ્યુ કે, ''બ્રેકઅપ પછી તેની હાલત કેવી થઇ હતી''

કેટરિના કૈફ હાલમાં પોતાની સલમાન સાથેની અપકમિંગ ફિલ્મ ભારતના પ્રમોશનને લઇને બિઝી છે. પ્રમોશન દરમિયાન કેટરિનાએ પોતાની પર્સનલ લાઇફને લઇને વાત જણાવી જેના કારણે તે ફરી ચર્ચામાં રહી. કેટરિનાએ રણબીરની સાથે બ્રેકઅપને લઇને કહ્યુ કે, ''અગંત જીવનમાં અને પ્રોફેશનલ લાઈફમાં ઘણું બધું બદલાઈ ગયું હતું. સંબંધો તૂટતા હું મારી ઘણી વાતો સમજવા માટે અને વિચારવા માટે મજબૂર બની હતી. જે થવાનું હતું, તે થઈ જ ગયું. દરેક ઘટના બનવા પાછળ કોઈને કોઈ કારણ રહેલું હોય છે.'' 

કેટરિનાએ આગળ કહ્યુ કે, ''મને આજે પણ યાદ છે કે જાન્યુઆરી મહિનામાં હું 'બાર બાર દેખો'ના શૂટિંગ માટે થાઈલેન્ડ જતી હતી. મારા મગજમાં સતત એ જ વિચારો ઘુમરાયા કરતાં હતાં. જ્યારે તમે કોઈ બાબતમાં કે વિચારમાં ફસાઈ જાય તો તમે ઘણાં જ ડિસ્ટર્બ થઈ જાવ છો. તે બાબતથી તમે છૂટકારો મેળવી શકતા નથી. તે ઘણું જ ખરાબ હતું. બહુ જ ખરાબ હતું. મને નવાઈ લાગતી હતી કે કોઈ વ્યક્તિ તમને આ રીતે મુસીબતમાં કેવી રીતે મૂકી શકે? આ સમયે હું ઘણું જ વાંચતી હતી. મારે સમજવું હતું કે આખરે માનવી કેવી રીતે કામ કરે છે. એક ચોક્કસ રાતે દુનિયા તરફનો મારો એપ્રોચ તથા વલણ બદલાઈ ગયા હતાં.''

વધુમાં કેટરીનાએ કહ્યું હતું, ''કેટલીક બાબતો તમને હજી પણ અપસેટ કરે છે પરંતુ હવે ઠીક છે. હું સામનો કરું છું.એકવાર તો હું જ્યારે યોગ કરતી હતી ત્યારે યોગ ટીચરે પણ સવાલ કર્યો હતો કે તું બરોબર છે ને? મેં જવાબ આપ્યો હતો કે હા હું ઠીક છું. ત્યારે તેમણે કહ્યું કે તું તો રડે છે અને હું સાચે જ રડવા લાગી હતી. મારે આમાંથી બહાર આવવાનું હતું. હવે હું વસ્તુઓથી ભાગવાનો પ્રયાસ કરતી નથી.'કેટરીના કૈફની છેલ્લે રિલીઝ થયેલી ફિલ્મ્સ 'ઠગ્સ ઓફ હિન્દોસ્તાન' તથા 'ઝીરો' સુપરફ્લોપ રહી હતી. હવે, કેટરીનાની 'ભારત' 5 જૂને રિલીઝ થવાની છે. સલમાન ખાન-કેટરીના સિવાય આ ફિલ્મમાં દિશા પટની, જેકી શ્રોફ, સુનિલ ગ્રોવર છે.