કેટરીના કૈફ અને વિક્કી કૌશલ પોતાના લગ્નની પહેલી વર્ષગાંઠ મનાવી રહ્યાં છે. એક વર્ષ પહેલા વિક્કી અને કેટરીનાએ પોતાના લગ્નના સમાચાર સંભળાવી બધાને ચોંકાવ્યા હતા.
કેટરીના અને વિક્કી પોતાના લગ્નની પહેલી વર્ષગાંઠ મનાવી રહ્યાં છે
એવોર્ડ ફંક્શનમાં વિક્કીએ કેટરીનાને પૂછ્યુ, મારી સાથે લગ્ન કરશો?
આ મજાક વિક્કી-કેટરીનાની જીવનની બની ગઇ હકીકત
કેટરીના અને વિક્કી લગ્નની પહેલી વર્ષગાંઠ મનાવી રહ્યાં છે
કેટરીના કૈફ અને વિક્કી કૌશલે 9 ડિસેમ્બર 2021ના રોજ ધૂમધામપૂર્વક શાહી લગ્ન કર્યા હતા. રાજસ્થાનમાં થયેલા રોયલ વેડિંગ ખૂબ ચર્ચામાં રહ્યાં. બી-ટાઉનની લોકપ્રિય જોડી પોતાના લગ્નની પહેલી વર્ષગાંઠ પર પહાડોની હસીન વાદિઓમાં સેલિબ્રેટ કરી રહી છે. બંને વેકેશન પર છે અને કેટરીનાએ તેના ઈન્સ્ટા પર પહાડ પરથી ફોટો શેર કર્યા છે, જે તેના પતિ વિક્કીએ પાડ્યા છે.
પ્રશંસકો તરફથી મળી શુભેચ્છા
કેટરીના કૈફ અને વિક્કી કૌશલના લગ્ન બોલીવુડની સૌથી ચર્ચિત જોડીઓમાંથી એક રહ્યાં છે. હવે તેમના લગ્નની પહેલી વર્ષગાંઠ પર મિત્ર, પરિવાર અને પ્રશંસકો તરફથી શુભેચ્છા મળી રહી છે. આવો એક નજર નાખીએ વિક્કી-કેટરીનાની ફ્રેન્ડશિપથી લઇને લગ્ન સુધીની કહાની પર.
કૉફી વિથ કરણથી થઇ હતી શરૂઆત
કેટરીના કૈફ અને વિક્કી કૌશલની કહાની કરણ જૌહરના લોકપ્રિય ચેટ શો કૉફી વિથ કરણ પર શરૂ થઇ હતી. કેટરીનાએ કન્ફેસ કર્યુ હતુ કે તે વિક્કીની સાથે સારી લાગે છે. એક બીજા એપિસોડમાં જ્યારે કરણે વિક્કીને કહ્યું કે કેટરીનાને ઉરીમાં તેમનુ કામ પસંદ આવ્યું અને કહ્યું કે તેઓ સ્ક્રીન પર એક સારી જોડી બનાવશે તો વિક્કીની ખુશીનુ કોઈ ઠેકાણુ નહોતુ.
ત્યારબાદ અનુપમા ચોપડાના પૉડકાસ્ટ શોપર વિક્કી અને કેટરીનાની કેમેસ્ટ્રી ખુલીને સામે આવી હતી. ત્યારબાદ એવા સમાચાર ફેલાયા કે બંને એકબીજાને ડેટ કરી રહ્યાં છે. જો કે, બંને મૌન રહ્યાં હતા. ત્યારબાદ બંને એક એવોર્ડ ફંક્શનમાં જોવા મળ્યાં. કેટરીનાને સ્ટેજ પર બોલાવી અને વિક્કીએ ડ્રામા કરતા પૂછ્યુ, મારી સાથે લગ્ન કરશો? પછી કહ્યું કે લગ્નની સિઝન ચાલી રહી છે તો મને થયુ કે હુ પણ પૂછી લવુ. મારી સાથે લગ્ન કરશો? જેના પર કેટરીના શરમાઈ હતી.