ના સ્ક્રેચ કૂપન, ના લકી ડ્રો અને કોન બનેગા કરોડપતિના ગેમ શોમાંથી કોઈ રકમ મળી નથી. તેમ છતાં પણ બિહારના એક ગામના લોકો બેંકમાં લાઈન લગાવીને પોતાનુ ખાતુ અને બેલેન્સ ચેક કરાવી રહ્યાં છે. કારણકે ગામના બે સ્કૂલના બાળકોના ખાતામાં રાતોરાત ખૂબ મોટી રકમ આવી ગઇ છે. આટલી રકમ કદાચ અમીર વ્યક્તિના ખાતામાં પણ આવી નહીં હોય.
ધોરણ-6માં ભણતા બે બાળકોના ખાતામાં એકસાથે કરોડો રૂપિયાની રકમ આવી
બાળકોના ખાતામાં આટલી મોટી રકમ આવતા બાળકોના સ્વજનો થયા હેરાન
બંને બાળકોના ખાતામાં થતી ચૂકવણી પર લગાવ્યો પ્રતિબંધ, મામલાની થશે તપાસ
બે બાળકોના ખાતામાં એકસાથે કરોડો રૂપિયાની રકમ આવી
બાળકના બેંક ખાતામાં આટલી મોટી રકમ આવ્યાં બાદ આખા વિસ્તારમાં લોકો પોતાનું બેલેન્સ ચેક કરાવવા માટે બેચેન બન્યાં છે. બિહારના કટિહાર જિલ્લાના આઝમનગર પ્રખંડ પસ્તિયા ગામ સાથે જોડાયેલો મામલો છે. જ્યાં બુધવારે મોડી રાત્રે દરેક શખ્સ પોતાના બેંક ખાતાનું બેલેન્સ ચેક કરાવી રહ્યો છે. ખરેખર, ઉત્તર બિહાર ગ્રામીણ બેંકમાં ખાતાધારક ધોરણ-6માં ભણતા બે બાળકોના ખાતામાં એકસાથે કરોડો રૂપિયાની રકમ આવી ગઇ છે. ધોરણ-6માં ભણતા આશીષના ખાતામાં 6 કરોડ 20 લાખ 11 હજાર 100 રૂપિયા અને ગુરૂ ચરણ વિશ્વાસના ખાતામાં 905 કરોડથી વધુની રકમ આવી છે. સામાન્ય રીતે શાળામાં ભણતા બે બાળકોના ખાતામાં કપડાં માટે જે સરકારી રકમ આવવાની હતી, પરંતુ એકસાથે આટલી મોડી રકમ જોઈને બાળકોની સાથે-સાથે તેમના સ્વજનો પણ હેરાન થઇ ગયા.
આ મામલાની સંપૂર્ણ તપાસ થશે: બેંકના શાખા મેનેજર
કપડાંની રકમ માટે આ બંને બાળકોના પરિવારજનો ગામના જ ઈન્ટરનેટ કેન્દ્ર પર પોતાનું એકાઉન્ટ ચેક કરાવવા ગયા તો તેમના પગ નીચેથી જમીન સરકી ગઈ. કેન્દ્ર પર ઉપસ્થિત રહેલા બીજા લોકોના બેંક ખાતામાં આટલી મોટી રકમ જોઈ હેરાન થયા. રાતોરાત કરોડપતિ બનેલા આ બાળકોને પણ સમજાઈ રહ્યું ન હોતુ કે આ કેવીરીતે થયુ. મીડિયા રિપોર્ટ મુજબ, બેંકના શાખા મેનેજર મનોજ ગુપ્તા પણ આ ઘટનાથી હેરાન છે. જોકે, બેંકે બંને બાળકોના ખાતામાંથી કરાતી ચૂકવણી પર પ્રતિબંધ લગાવતા કહ્યું કે આ મામલાની તપાસ થશે. બેંકે પોતાના વરિષ્ઠ અધિકારીઓને પણ આ અંગે સુચના આપી છે.