કઠુઆ કેસઃ પોલીસને ગેરમાર્ગે દોરવા માટે આરોપીએ કરાવી નકલી સહી

કઠુઆ ગેંગરેપ અને મર્ડર કેસમાં એક આરોપી દ્વારા અરજીકર્તાઓને ગેરમાર્ગે દોરવા માટે એક્ઝામ એટેન્ડેન્સ રજિસ્ટરમાં નકલી હસ્તાક્ષર કરવાનો ખુલાસો થયો છે. મામલાની તપાસ કરી રહેલી જમ્મુ અને કાશ્મીર પોલીસની ક્રાઇમ બ્રાંચે જણાવ્યું કે ફોરેન્સિક રિપોર્ટમાં ખુલાસો થયો છે કે આરોપી મેરઠમાં જે એક્ઝામમાં સામેલ થવાનો દાવનો કર્યો છે ત્યાં અટેન્ડે રજિસ્ટરમાં કરવામાં આવેલી સહી આરોપીના હસ્તાક્ષર સાથે મેચ થતી નથી. 

વાસ્તવમાં આરોપી વિશાલ જંગોત્રાએ એ દાવો કર્યો છે કે જે દિવસે જમ્મુના કઠુઆમાં બાળકી સાથે ગેંગરેપની ઘટના થઇ એ દિવસે મેરઠમાં એક્ઝામ આપી રહ્યો હતો. પરંતુ નવા ખુલાસા બાદ હવે આરોપીના દાવાની પોલ ખુલી ગઇ છે. 

ક્રાઇમ બ્રાંચના સૂત્રોનો દાવો છે કે જંગોત્રાની નકલી સહી એમના સાથીઓએ મેરઠમાં હાજરી દર્શાવવા માટે કરી. 

હવે આરોપીના ત્રણ મિત્રોને સોમલારે જમ્મુમાં અરજીકર્તા સમક્ષ હાજર રહેવા બોલાવામાં આવ્યા છે. અરજીકર્તાએ એવી પણ શંકા વ્યક્ત કરી છે કે આરોપી જાણી જોઇને એટીએમ ગયો અને પોતાની ઉપસ્થિતિ દેખાડવા માટે કેમેરાની તરફ જોઇ રહ્યો હતો.