કાશ્મીરમાં અવારનવાર બંધના એલાન આપીને લોકોની પરેશાની વધારનારા આ અલગતાવાદી નેતાઓનાં બાળકો સુખેથી જિંદગી વિતાવી રહ્યાં છે. ગૃહપ્રધાન અમિત શાહે રાજ્યસભામાં અલગતાવાદી નેતાઓનો અસલી ચહેરો દેશની સામે મૂક્યો હતો.જમ્મુ-કાશ્મીરમાં રાષ્ટ્રપતિ શાસન વધારવાના વિધેયક પર ચર્ચાનો જવાબ આપતા અમિત શાહે જણાવ્યું હતું કે, છેલ્લા 70 વર્ષોમાં કઈ રીતે સામાન્ય કાશ્મીરીઓને મૂળભૂત સુવિધાઓથી પણ વંચિત રાખવામાં આવ્યાં છે.
વારંવાર કાશ્મીર (Kashmir) ઘાટીમાં સ્કૂલ અને કૉલેજ બંધ કરાવવા અને યુવાનોને પથ્થરમારા અને આતંકવાદ માટે ઉશ્કેરનારા અલગતાવાદી નેતાઓ (Alga-wadi leaders) નો અસલી ચહેરાનો હવે પર્દાફાશ (Busted) થઈ ગયો છે. તેમના બાળકો વિદેશમાં અભ્યાસ કરી રહ્યા છે એટલું જ નહીં પણ ત્યાં સારી નોકરી પણ કરી રહ્યાં છે. કાશ્મીરમાં અવારનવાર બંધના એલાન આપીને લોકોની પરેશાની વધારનારા આ અલગતાવાદી નેતાઓનાં બાળકો સુખેથી જિંદગી વિતાવી રહ્યાં છે.
ગૃહપ્રધાન અમિત શાહે રાજ્યસભામાં અલગતાવાદી નેતાઓ (separatist leaders) નો અસલી ચહેરો દેશની સામે મૂક્યો હતો.જમ્મુ-કાશ્મીરમાં રાષ્ટ્રપતિ શાસન વધારવાના વિધેયક પર ચર્ચાનો જવાબ આપતા અમિત શાહે જણાવ્યું હતું કે, છેલ્લા 70 વર્ષોમાં કઈ રીતે સામાન્ય કાશ્મીરીઓને મૂળભૂત સુવિધાઓથી પણ વંચિત રાખવામાં આવ્યાં છે. કાશ્મીરી લોકોની વાતો કરતા અલગતાવાદી નેતાઓ ઘાટીમાં વારંવાર સ્કૂલો અને કૉવેજો બંધ કરાવતા ફરે છે, યુવાનોને ગેરમાર્ગે દોરે છે, પણ તેમના બાળકો વિદેશમાં સારામાં સારું ઉચ્ચ શિક્ષણ મેળવી રહ્યાં છે.
તેમનાં પરિવારનાં મોટાભાગનાં લોકો પણ વિદેશમાં આરામભરી જિંદગી ગુજારી રહ્યાં છે. આ બધા નેતાઓમાં સૌથી મોટું નામ સૈયદ અલી શાહ ગિલાનીનું છે. ગિલાનીના પુત્ર નઈમ ગિલાનીએ પાકિસ્તાનમાંથી એમબીબીએસનો અભ્યાસ કરહ્યો અને હવે તે રાવલપિંડીમાં પ્રેક્ટિસ પણ કરી રહ્યો છે. તેની પુત્રી સાઉદી અરબમાં શિક્ષિકા છે અને જમાઈ એન્જિનિયર છે. ગિલાનીના જમાઈ અલ્તાફ અહમદ શાહની એક દીકરી તુર્કીમાં પત્રકાર અને બીજી પાકિસ્તાનમાં મેડિકલનો અભ્યાસ કરી રહી છે.
ગિલાનીના બીજા જમાઈ ઝહુર ગિલાનીનો પુત્ર સાઉદી અરબમાં છે અને ત્યાંની એરલાઈન્સમાં નોકરી કરે છે.અલગતાવાદી નેતા મીરવાઈઝ ઉમર ફારુખની બહેન રુબિયા ફારુખ અમેરિકામાં ડૉક્ટર છે. કાશ્મીર ઘાટીમાં મહિલાઓને ભડકાવીને જેહાદનાં રસ્તે ધકેલનારી અને હાલ જેલમાં કેદ દુખ્તરાન-એ-મિલ્લતની પ્રમુખ આસિયા અંદ્રાબીનો એક પુત્ર મલેશિયામાં અભ્યાસ કરી રહ્યો છે અને બીજો ઑસ્ટ્રેલિયામાં છે.
અંદ્રાબીની બહેન મરિયમ પણ તેનાં પરિવાર સાથે મલેશિયામાં રહે છે. હુર્રિયત કોન્ફરન્સનાં ગિલાની જૂથના મહાસચિવ અશરફ સેહરઈએ પણ તેમના બાળકોને વિદેશમાં અભ્યાસ કરાવ્યો છે. તેનાં બંને પુત્રો ખાલિદ અને આબિદ અશરફ સાઉદી અરબમાં નોકરી કરે છે. અલગતાવાદી નેતા મોહમ્મદ શફી રેશીનો દીકરો અમેરિકામાં પીએચડી કરી રહ્યો છે તો અશરફ લાયાની પુત્રી પાકિસ્તાનમાં મેડિકલનો અભ્યાસ કરે છે.