ચર્ચાસ્પદ લગ્નનો વીડિયો / VIDEO : કોંગ્રેસ નેતાના લગ્ન, દુલ્હન જાતે 'થાર' ચલાવીને પહોંચી સાસરે, સાસરિયા વાળાએ શું કર્યું જુઓ

• નોર્થ કાશ્મીરના બારામુલાના કોંગ્રેસી નેતાના લગ્ન
• દુલ્હનની એક મજાની હરકતને કારણે લગ્ન ચર્ચામાં આવ્યાં
• દુલ્હન જાતે કાર ડ્રાઈવ કરીને સાસરે પહોંચી

લગ્નોમાં દુલ્હનોની એન્ટ્રીથી બધા વાકેફ છે પરંતુ અહીં તો દુલ્હને પોતાની જાતે એવી ભવ્ય વિદાય લીધી કે જોનારા જોતા જ રહી ગયા.

દુલ્હનની આંખમાં આંસુ જેવું નામ નહોતું પરંતુ તે ખૂબ હસી રહી હતી. લગ્ન બાદ દુલ્હન વરરાજાની થાર (કાર) ચલાવીને જાતે સાસરે પહોંચી હતી. આ ઘટનાનો વીડિયો સોશિયલ મીડિયા પર ખુબ વાયરલ થઈ રહ્યો છે લોકો પણ વીડિયોને મજા માણી રહ્યાં છે.

A bride driving herself with the groom to her in-laws. #KhudkafeelKashmir pic.twitter.com/lwRRy4QRw5

— Ahmed Ali Fayyaz (@ahmedalifayyaz) August 24, 2021

નોર્થ કાશ્મીરના બારામુલા જિલ્લામાં કોંગ્રેસ નેતાના સ્થાનિક છોકરી સાથે લગ્ન થયા. લગ્ન બાદ પ્રસંગ આવ્યો વિદાયનો. વિદાય ટાણે સામાન્ય રીતે દુલ્હન વરરાજાની ગાડીમાં બેસીને સાસરે જતી હોય છે પરંતુ આ દુલ્હન તો જાતે થારની ડ્રાઈવિંગ સીટ પર બેસી જતા લોકોને ભારે નવાઈ લાગી. દુલ્હાને પણ આમાં કંઈ ગતાગમ ન પડતા તે દુલ્હન સાથે પ્રશ્નાર્થભાવે તાકી રહ્યો. પરંતુ જ્યારે દુલ્હન થારને સ્ટાર્ટ કરી અને હંકારી ત્યારે જોનારા દંગ રહી ગયા હતા. દુલ્હન જાતે થાર ડ્રાઈવ કરીને સાસરે પહોંચી. સાસરિયાવાળાએ પણ દુલ્હનનું ભાવભીનું સ્વાગત કર્યું અને તેની હિંમતની પ્રશંસા કરી. 

દુલ્હનનું નામ સના છે અને દુલ્હાનું નામ શેખ અમીર છે. વીડિયો વાયરલ થયા બાદ શેખ અમીરે જણાવ્યું કે પત્નીએ  ગાડી ચલાવવાનુ કહેતા મેં તરત ચાવી સોંપી દીધી. વીડિયો વાયરલ થતા સનાના આનંદનો કોઈ પાર નથી. સનાએ જણાવ્યું કે મને ગાડી ચલાવવાનો ખૂબ શોક છે. હું ઘણા સમયથી ગાડી ચલાવું છું. મારા પિતાએ મને ગાડી ચલાવવાનું શીખ્યું હતું.