વાયરલ / કલમ 370 દૂર થતાં પાકિસ્તાનીઓ ભડક્યાં, બોલ્યાં અમારા નેતાઓ ઝઘડતાં રહ્યાં અને...

મોદી સરકારના આ એલાન બાદ પાકિસ્તાનમાં હલચલ મચી ગઇ છે. સોશિયલ મીડિયા પર કેટલાક પાકિસ્તાની ઇમરાન સરકારને અપીલ કરી રહ્યા છે તો કેટલાક હજુ પણ 'કાશ્મીર હમારા હે'ના નારા લગાવી રહ્યા છે. 

પાકિસ્તાનના તમામ સમાચારમાં જમ્મૂ કાશ્મીરનો વિશેષ દરજ્જો ખતમ કરવાના સમાચારને મહત્વ અપાઇ રહ્યું છે. પાકિસ્તાનના સમાચાર ડોને લખ્યું, 'વિપક્ષને જોરદાર વિરોધ વચ્ચે ભારતે કાશ્મીરના વિશેષ દરજ્જો ખતમ કરવા માટે રજૂ કર્યો સંકલ્પ'.

પાકિસ્તાની સમાચાર 'ધ ન્યૂઝ'એ એક આર્ટિકલમાં લખ્યું, હવે પાકિસ્તાન આંતરરાષ્ટ્રીય કોર્ટમાં જવા પર વિચાર કરી શકે છે. સમાાચારમાં લખવામાં આવ્યું કે, પાકિસ્તાન કાશ્મીર મુદ્દે સક્રિય પક્ષ રહ્યું છે અને આપણે તેના પર ચુપ્પી સાધી ન રાખી શકીએ. 

પાકિસ્તાનની જનતા સોશિયલ મીડિયા પર પોતાનો રોષ નીકાળી રહી છે. આમરા મેહદી નામની એક યૂઝરે લખ્યું, ''જિન્ના સાહેબ માફી, પાકિસ્તાનના અમારા પ્રતિનિધિ એકબીજા સાથે લડાઇ કરવા અને પોતાની સંપત્તિ વધારવામાં વ્યસ્ત રહ્યા. તમારુ કાશ્મીર ચાલ્યું ગયું.''

એક પાકિસ્તાની યૂઝરે લખ્યું, મુસ્લિમ દુનિયાને પંથથી ઉપર ઉઠાવતા એક થવું જોઇએ અને ભારત પર કાશ્મીરમાં નરસંહાર કરતા રોકવા માટે દબાણ વધારવું જોઇએ.

જ્યારે એક યૂઝર નવીદે લખ્યું, હવે કાશ્મીરમાં દરેક એક વ્યક્તિ અત્યાચારી ભારત વિરુદ્ધ અવાજ ઉઠાવશે. આ કાશ્મીરની આઝાદીની શરૂઆત છે.

એક યૂઝરે આંતરરાષ્ટ્રીય સંસ્થાઓ પર ભડાસ નીકાળતા લખ્યું, મુસ્લિમ દેસોના મંચ ઓઆઇસી અને સંયુક્ત રાષ્ટ્ર જે ઉદ્દેશ્યથી અસ્તિત્વમાં આવ્યા, એ ક્યારેય પૂર્ણ નથી થયા. સંયુક્ત રાષ્ટ્ર પોતાનું વચન ન નિભાવી શક્યું અને કાશ્મીર મુદ્દાનો ઉકેલ ન આવવો યૂએનની નિષ્ફળતા છે. હવે મને યૂએનથી કોઇ આશા નથી.

કેપ્ટન મિર્જા નામના યૂઝરે લખ્યું, હવે અમારે ભારતના પ્રોડક્ટ્સનો બહિષ્કાર કરવો જોઇએ. 

એક યૂઝરે ઇમરાન ખાનને ટેગ કરતા લખ્યું, ખાન સાહેબ કંઇક કરો આ સમય છે કે જ્યારે ખબર પડશે કે આપ રિયલ છો કે નહીં. 

એક યૂઝરે લખ્યું, ભારતમાં અનુચ્છેદ 370 હટાવી નાંખ્યો છે. આ મોદી સરકારનું સારું પગલું નથી. જોઇએ કે આગળ શું થાય છે. 

એક યૂઝરે લખ્યું, અનુચ્છેદ 370 હટાવવી બાળકોનો ખેલ નથી. આ ફિલ્મનો અંત નિકટ છે. કાશ્મીરિયો પાસે હંમેશા આઝાદીનો અધિકાર રહેશે. 

અલી અહેસાને લખ્યું, શું દુનિયા આંધળી થઇ ગઇ છે. શું સુપરપાવર્સને નથી ખબર કે કાશ્મીરમાં શું થઇ રહ્યું છે? 

ઉર્વાએ લખ્યું, સંયુક્ત રાષ્ટ્ર અસ્તિત્વમાં જ શું કામ છે? કાશ્મીર વિવાદીત મુદ્દો રહ્યો છે અને હાલમાં જ ટ્રમ્પે તેના પર વાત કરી હતી. પરંતુ સંયુક્ત રાષ્ટ્ર અને ઓઆઇસી (ઇસ્લામિક સહયોગ સંગઠન)ને શું થઇ ગયું છે?