Friday, July 19, 2019
સબસ્ક્રાઈબ કરો VTVGujarati ન્યુઝ Whatsapp

સુરક્ષા / કશ્મીરમાં પથ્થરબાજીઓની ખેર નથી, ઉપયોગ થશે કાનના પડદા ફાડી નાખનાર ખતરનાક સાઉન્ડ સિસ્ટમ

કશ્મીરમાં પથ્થરબાજીઓની ખેર નથી, ઉપયોગ થશે કાનના પડદા ફાડી નાખનાર ખતરનાક સાઉન્ડ સિસ્ટમ

કાશ્મીરમાં હિંસક પ્રદર્શનો પર કાબુ મેળવવા માટે સુરક્ષાદળો દ્વારા હાલ વધારે પડતો સંયમ રાખીને અને ઓછા ઘાતક હથિયારો જેવા કે ટિયરગેસ, મિર્ચી બોમ્બ, રબર બુલેટ અને પેલેટનો ઉપયોગ કરવામાં આવે છે. તેનાથી જો ક્યારેક કોઈ વ્યક્તિને ગંભીર ઈજા થાય કે કોઈનું મોત થાય તો વિભિન્ન માનવ અધિકાર સંગઠનો પેલેટ પીડિતોને મુદ્દો બનાવીને આંતરરાષ્ટ્રીય સ્તરે ભારતની અને ભારતીય સેનાની છબી ખરડાય તેવા પ્રયાસ કરતા હોય છે.

stone petlers

કાશ્મીરમાં તોફાની પથ્થરબાજો પર અંકુશ લગાવવા માટે મૉબ કંટ્રોલ વ્હીકલ (એમસીવી) બાદ હવે અત્યાધુનિક મશીન સાઉન્ડ કેનનનો ઉપયોગ પણ કરવામાં આવશે. તેને લોંગ રેન્જ અફૂસ્ટિક ડિવાઈસ (એલઆરએડી) પણ કહેવામાં આવે છે. હાલ સાઉન્ડ કેનનની ખરીદી અને પરિક્ષણની પ્રક્રિયા ચાલી રહી છે અને તેનો એક તબક્કો પુરો પણ થઈ ગયો છે.

કાશ્મીરમાં હિંસક પ્રદર્શનો પર કાબુ મેળવવા માટે સુરક્ષાદળો દ્વારા હાલ વધારે પડતો સંયમ રાખીને અને ઓછા ઘાતક હથિયારો જેવા કે ટિયરગેસ, મિર્ચી બોમ્બ, રબર બુલેટ અને પેલેટનો ઉપયોગ કરવામાં આવે છે. તેનાથી જો ક્યારેક કોઈ વ્યક્તિને ગંભીર ઈજા થાય કે કોઈનું મોત થાય તો વિભિન્ન માનવ અધિકાર સંગઠનો પેલેટ પીડિતોને મુદ્દો બનાવીને આંતરરાષ્ટ્રીય સ્તરે ભારતની અને ભારતીય સેનાની છબી ખરડાય તેવા પ્રયાસ કરતા હોય છે.

પેલેટ પર પ્રતિબંધ મૂકવાની માગણી ઘણા સમયથી કરવામાં આવી રહી છે. કેન્દ્ર સરકારે અગાઉ પણ અનેક વખત પેલેટનો વિકલ્પ શોધવાનો ભરોસો આપ્યો છે. સાઉન્ડ કેનની વિશેષતા એ છે કે, એક મીટરના અંતરેથી તેની અંદરથી નીકળેલો જોરદાર તીવ્ર અવાજ 153 ડેસીબલના સાઉન્ડ પ્રેશરવાળો હોય છે. 100 ફૂટના અંતરેથી 121 ડેસીબલ સુધીનું પ્રેશર રહેશે. ઉલ્લેખનીય છે કે, 90 ડેસીબલ તીવ્રતાવાળો અવાજ રોજ સાંભળવામાં આવે તો કોઈ પણ વ્યક્તિની શ્રવણક્ષમતાને કાયમી ગંભીર નુકસાન કરી શકે છે.

stone petlers

10 ડેસીબલ તીવ્રતાના અવાજથી પણ માણસ પરેશાન થઈ જાય છે. 130 ડેસીબલ તીવ્રતાવાળા અવાજથી કાનમાં અસહ્ય પીડા થવા લાગે છે અને થોડી વાર માટે કંઈ સંભળાતું નથી.
સીઆરપીએફમાં આઈજી રેન્કના એક અધિકારીએ જણાવ્યું કે, સાઉન્ડ કેનનની ખરીદીની પ્રક્રિયા હાલ ચાલી રહી છે. કંપનીનો સંપર્ક કરીને સાઉન્ડ કેનનમાં કેટલાંક જરૂરી ફેરફારો પણ સૂચવવામાં આવ્યા છે.

સાઉન્ડ કેનનમાં પાંચ સ્થાનિક ભાષાનો ઉપયોગ કરવામાં આવશે. પ્રદર્શનકારીઓ અને પથ્થરબાજોને પહેલા ચેતવણી આપવામાં આવશે કે, સાઉન્ડ કેનનમાંથી નીકળનારો તીવ્ર અવાજ તેઓ સહન કરી શકશે નહીં અને તેમના કાનના પડદાને કાયમી નુકસાન થવાની પણ સંભાવના છે. આમ છતાં પણ તોફાની લોકો પથ્થરમારો ચાલુ રાખશે તો સાઉન્ડ કેનનનો ઉપયોગ કરવામાં આવશે અને ભીડને વીખેરી નંખાશે. જમ્મુ-કાશ્મીરમાં કાર્યરત માનવાધિકારવાદી સંગઠનોએ અત્યારથી જ સાઉન્ડ કેનનના ઉપયોગ સામે ઉગ્ર વિરોધ કરવાનું શરૂ કરી દીધું છે. તેમનો દાવો છે કે, આ સાઉન્ડ કેનન પેલેટ ગન કરતાં પણ વધુ ખતરનાક છે અને તેનાથી માણસને કાયમી બહેરાશ આવી શકે છે.

 

જોવા જેવું વધુ જુઓ

બ્રેકિંગ ન્યૂઝ