સુરક્ષા / કાશ્મીરી ન્યુઝ પેપર અખબાર સાથે ચોંટાડીને મફતમાં આપી એવી વસ્તુ કે દુનિયાભરમાં થઇ રહ્યા છે વખાણ

કાશ્મીરના જુનામાં જુના અખબારમાંના એક એવા 'રોશની' ન્યુઝ પેપરે આ અનોખી પહેલ કરી હતી. તેમણે કોરોનાના સમયમાં આવું માસ્ક ન્યુઝપેપર સાથે ચોંટાડીને સાથે ઉર્દુમાં લખ્યું હતું કે માસ્ક કા ઈસ્તેમાલ ઝરૂરી હૈ. તેમણે સાથે લખ્યું હતું કે આ માસ્કથી ફક્ત તમે નહિ પણ તમારી આસપાસના લોકો પણ કોરોનાથી સુરક્ષિત રહી શકે છે. 

મંગળવારના એડિશન માટે કરી આ સ્પેશ્યલ વ્યવસ્થા

ડેઇલી રોશનીના એડિટર ઈન ચીફ ઝહૂર અહમદ શોરાએ જણાવ્યું હતું કે તેમણે જયારે કાશ્મીરમાં ઘણા લોકોને હજુ પણ માસ્ક પહેર્યા વગર નીકળતા જોયા ત્યારે તેમને આ ક્રિએટિવ આઈડિયા આવ્યો હતો જેમાં તેમણે મંગળવારના એડિશનમાં વધારે લોકોને ભેગા કરીને દરેક અખબાર સાથે માસ્ક જોડી દીધું હતું. 

ન્યુઝપેપરની કિંમત માસ્ક કરતા પણ ઓછી

This is such a brilliant idea, worth emulating by other media outlets! This is one of the best ways they can display their role in fighting the #CoronaPandemic! #facemasks https://t.co/juQoWu0U24

— Ananth Rupanagudi (@rananth) July 22, 2020

તેમના આ કામના સોશ્યલ મીડિયા ઉપર ખૂબ વખાણ થઇ રહ્યા છે. માસ્ક ચોંટાડેલા છાપાની તસવીરો વાઇરલ થઇ રહી છે. લોકો આ સામાજિક જવાબદારી નિભાવવા બદલ ન્યુઝ પેપરની સરાહના કરી રહ્યા છે. સૌથી અગત્યની વાત એ છે કે આ ન્યુઝપેપરની કિંમત એક ડિસ્પોઝેબલ માસ્ક કરતા પણ ઓછી છે.