નિવેદન / કાશ્મીરમાં કાલથી SMS સેવા થશે શરૂ, વિશેષ રાજ્યનો દરજ્જો મળ્યા બાદથી હતી બંધ

પ્રધાન સચિવ રોહિત કંસલે કહ્યું કે, સરકારે જમ્મૂ કાશ્મીરની હોસ્પિટલોમાં બ્રોડબેન્ડ સેવા શરૂ કરવાની પણ જાહેરાત કરી છે. નોંધનીય છે કે, ગત 5 ઓગસ્ટે જમ્મૂ કાશ્મીરથી અનુચ્છેદ 370ની જોગવાઇ ખતમ કરી તેને બે કેન્દ્ર શાસિત પ્રદેશો જમ્મૂ-કાશ્મીર અને લદ્દાખમાં વિભાજિત કરવાની કેન્દ્ર સરકારની જાહેરાત બાદ એસએમએસ અને ઇન્ટરનેટ સેવાઓ પર પ્રતિબંધ લગાવી દેવામાં આવ્યો હતો. 

Jammu and Kashmir Principal Secretary Rohit Kansal: SMS services to be restored from midnight, December 31 in Kashmir valley. (File pic) pic.twitter.com/GBdhJUFx05

— ANI (@ANI) December 31, 2019

કારગિલમાં મોબાઇલ ઇન્ટરનેટ સેવા શરૂ કરાઇ

જમ્મૂ કાશ્મીર અને લદ્દાખને કેન્દ્ર શાસિત પ્રદેશનો દરજ્જો મળ્યા બાદ પહેલી વાર 27 ડિસેમ્બરે કારગિલમાં મોબાઇલ ઇન્ટરનેટ સેવા શરૂ કરવામાં આવી હતી. 145 દિવસ પહેલા જમ્મૂ કાશ્મીર અને લદ્દાખમાં ઇન્ટરનેટ બંધ કરી દેવામાં આવ્યું હતું.