પીએમ મોદીએ ઉદ્ઘાટન બાદ કહ્યું, અહીં મહાદેવ જ સરકાર છે
અમુક એવું કહેતા હતા કે મોદી જેવા કેટલાય આવ્યા કે ગયા: પીએમ મોદી
પીએમ મોદીએ સોમવારે કાશી વિશ્વનાથ ધામનું લોકાર્પણ કરવાની સાથે વિરોધીઓ પર નિશાન સાધ્યું હતું. તેમણે કોઈનું નામ લીધા વિના આડકતરી રીતે કહ્યું કે જ્યારે હું કાશી આવ્યો હતો ત્યારે એક વિશ્વાસ હતો. બનારસનાં લોકો પર મને આસ્થા હતી, પરંતુ કેટલાક લોકો બનારસવાસીઓ પર જ સંદેહ કરતાં હતા. અમુક એવી આશંકા વ્યક્ત કરતાં હતા કે આ બધુ કઈ રીતે થશે? થાય જ નહીં ને. અહિયાં તો પહેલેથી જ આવું બધુ ચાલ્યું આવે છે, મોદી જેવા કેટલાય આવ્યા ને જતાં રહ્યા.
કાશી તો અવિનાશી છે: પીએમ મોદી
પીએમ મોદીએ કહ્યું કે મને તો આશ્ચર્ય થાય છે કે બનારસ માટે અમુક લોકોએ કેવી કેવી ધારણાઓ બનાવી દીધી હતી. રાજકારણ અને સ્વાર્થ માટે આરોપો લગાવવામાં આવી રહ્યા હતા. પણ કાશી તો કાશી છે, કાશી તો અવિનાશી છે. અહિયાં તો એક જ સરકાર છે, ડમરુંધારીની સરકાર, અહિયાં મહાદેવ જ સરકાર છે. પ્રધાનમંત્રી નરેન્દ્ર મોદીએ કહ્યું- જ્યારે તમે અહીં આવો છો ત્યારે તમને માત્ર શ્રદ્ધાના દર્શન જ નહીં થાય. તમે અહીં તમારા ભૂતકાળનો મહિમા પણ અનુભવશો. કેવી રીતે પ્રાચીનતા અને નવીનતા એકસાથે જીવંત થઈ રહી છે, કેવી રીતે પ્રાચીનની પ્રેરણાઓ ભવિષ્યને દિશા આપી રહી છે. અમે વિશ્વનાથ ધામ સંકુલમાં તેના પ્રત્યક્ષ દર્શન કરી રહ્યા છીએ.
અહીં તો માત્ર એક જ સરકાર છે
પ્રધાનમંત્રી નરેન્દ્ર મોદીએ કાશી વિશ્વનાથ મહાદેવનો ઉલ્લેખ કરતા જણાવ્યું કે, કાશી તો કાશી છે, કાશી અવિનાશી છે. તો તેમણે એવું પણ કહ્યું કે, કાશીમાં એક માત્ર સરકાર છે, જેમના હાથમાં ડમરૂ છે. જ્યાં ગંગા પણ પોતાની ધારા બદલીને વહેતી હોય તો તે કાશીને કોણ રોકી શકે?
આજે મા ગંગા પણ ખૂબ પ્રસન્ન હશે, મા ગંગાનો આશીર્વાદ બધા માટે છે: PM મોદી
કાશી વિશ્વનાથ ધામના ઉદ્ધાટન પ્રસંગે બોલતા પીએમ મોદીએ કહ્યું કે બાબા વિશ્વનાથ, માતા અન્નપૂર્ણાના ચરણોમાં શીશ નવાવતઆજે હું કાળભૈરવના આશીર્વાદ લઈને આવ્યો છું. મોદીએ કહ્યું કે કાશીવાસીઓના સહકારથી આ શુભ ઘડી આવી છે.
1000 વર્ષનું સપનુ પુરુ કર્યું-યોગી
સીએમ યોગીએ કહ્યું કે 1000 વર્ષ સુધી બાબા વિશ્વનાથનું ધામ પ્રતિકૂળ સ્થિતિમાં રહ્યું. તેમણે કહ્યું કે હજારો વર્ષોની રાહ જોવી પૂર્ણ થઈ છે, એવું કહેવામાં આવ્યું છે કે માતા ગંગા કાં તો ભગીરથના જટામાં અથવા કાશીના મણિકર્ણિકા ઘાટ પર ગૂંચવાઈ ગઈ હતી, પરંતુ આજે અમને વડા પ્રધાન મોદીના પ્રયાસો દ્વારા આ ભેટ મળી છે.