મોસ્ટ અવેઇટેડ ટેલિવિઝન સીરિયલ 'કસૌટી ઝિંદગી કી'ની બીજી સીઝનનો નવો પ્રોમો રિલીઝ કરવામાં આવ્યો છે. આ શૉ 25 સપ્ટેમ્બરથી રાત્રે 8 વાગે ઓનએર કરવામાં આવશે. પ્રેરણા-અનુરાગની અતૂટ લવસ્ટોરીની વિલન કોમોલિકાના લુક માટે સૌકોઇ આતુરતાપૂર્વક રાહ જોઇ રહ્યાં હતા. સામે આવેલા આ નવા પ્રોમોમાં કોમોલિકાની પહેલી ઝલક જોવા મળી છે.
કોમોલિકાના રોલમાં હિના ખાન જોવા મળશે. જો કે આ અંગે હજુ સુધી સત્તાવાર ધોરણે કોઉ પુષ્ટિ થઇ નથી. પ્રોમોમાં કોમોલિકાનો બેક લુક જોવા મળે છે. ઉર્વશી ધોળકિયાની જેમ નવી કોમોલિકા પણ પોતાની લટો ફેરવતી જોવા મળી રહી છે. હિના ખાનના આ લુકને ખૂબ જ સ્ટાઇલિશ રાખવામાં આવ્યો છે. વીડિયોમાં બેકલેસ બ્લાઉઝમાં તે ખૂબ જ ગ્લેમરસ લાગી રહી છે. હિનાની ચાલ અને તેની અદાઓ કોમોલિકાની યાદ અપાવે છે.
Launching big...On tv ..too much promotion...! Never usually pans out...leads to over expectations! But with grit n hard work of a whole team n without expecting n predicting the outcome we hope ppl accept #kasautiizindagiikay ! From tom 8 pm @StarPlus#mugshot#love JAI MATA DI pic.twitter.com/zkQQKvOYXy
પ્રોમોમાં દર્શાવવામાં આવ્યું છે કે પ્રેરણા અને અનુરાગના પિતા તેમના લગ્ન વિશે વિચારી રહ્યાં છે પરંતુ અનુરાગની માતા લગ્નની વિરુદ્ધ છે. તે પ્રેરણા જેવી મિડલ ક્લાસની યુવતીને પોતાના ઘરમી પુત્રવધુ બનાવવા નથી ઇચ્છતી. તે ઇચ્છે છે કે તેમની પુત્રવધુ કોઇ હાઇક્લાસની યુવતી હોય અને ખૂબ જ સુંદર હોય. તે પછી એન્ટ્રી થાય છે કોમોલિકાની.
ઉલ્લેખનીય છે કે પ્રેરણાના પાત્રમાં એરિકા ફર્નાન્ડિસ ખૂબ જ સુંદર લાગી રહી છે. પરંતુ આ કપલ અગાઉની જોડી સીઝેન ખાન અને શ્વેતા તિવારી આગળ ફિકી લાગી રહી છે. અગાઉ એવી ચર્ચા હતી કે પ્રેરણાના રોલ માટે શ્વેતા તિવારીની દિકરી પલકને અપ્રોચ કરવામાં આવી હતી. શ્વેતાએ આ ઑફર તેમ કહીને ઠુકરાવી હતી કે હાલ પલક કોઇ શૉ કરવા નથી માંગતી.