બોલિવુડમાં લિન્ક-અપ અને અફેરની ખબરો હંમેશા ચર્ચામાં રહેતી હોય છે. આ વર્ષે પણ લગ્ન તેમજ અફેરને લઇને મોટી ખબર ઇન્ટરનેટ પર વાયરલ થતી જોવા મળી હતી.
હાલમાં સૈફ અલી ખાન અને અમૃતા સિંહની દિકરી સારા અલી ખાને કરણ જોહરના ચેટ શો 'કોફી વીથ કરણ'માં જણાવ્યું હતું કે તેઓ અભિનેતા કાર્તિક આર્યનને ડેટ કરવા ઇચ્છે છે. સારા અલી ખાને એમ પણ કહ્યું કે તેને કાર્તિક આર્યન ઘણો ક્યૂટ લાગે છે.
ત્યારે બાદ સૈફ અલી ખાનની આ દિકરીએ એક રેડિયો શોમાં નિવેદન આપ્યું હતું કે તે પોતાનું સરનામું કાર્તિક આર્યનને મોકલવા ઇચ્છે છે કારણ કે તે કાર્તિક આર્યનને ઘણી પસંદ કરે છે.
સતત બે વખત સારા અલી ખાને કાર્તિક આર્યનને લઇને આપેલા નિવેદનને કારણે ઇન્ટરનેટ પર લોકો અંગે તેના અફેરની ચર્ચા કરવા લાગ્યા છે. હાલમાં લોકો સારા અલી ખાને આપેલા નિવેદન પર કાર્તિક આર્યનના જવાબની રાહ જોઇ રહ્યાં છે.
જ્યારે એક ઇન્વેન્ટમાં ભાગ લેવા પહોંચેલા કાર્તિકને આ અંગે પૂછવામાં આવ્યું ત્યારે તો તે પહેલા શરમાઇ ગયો હતો પરંતુ થોડા સમય બાદ કહ્યું કે સારા ઘણી સુંદર અભિનેત્રી છે.
પણ જ્યારે તેના અંગે વધારે પૂછવામાં આવ્યું તો કાર્તિકે બહુ સરસ રીતે જવાબ આપતાં કહ્યું કે હા સારા અલી ખાન સાથે હું કોફી પીવા માગુ છું. લાગે છે કે 'કોફી વીથ કરણ' દ્વારા સારા અલી ખાન અને કાર્તિક આર્યનની કોફી ડેટ નક્કી થઇ જશે.