કાર્તિક આર્યન અને કિયારા અડવાણીની રોમેન્ટિક-મ્યુઝિકલ ફિલ્મ 'સત્યપ્રેમ કી કથા' નું ટ્રેલર રિલીઝ કરવામાં આવ્યું છે. આ સાથે મેકર્સે રિલીઝ ડેટ વિશે પણ જાણકારી આપી છે.
કાર્તિક આર્યન અને કિયારા અડવાણીની જોડી ફરી એકવાર સાથે જોવા મળી
બંનેની રોમેન્ટિક-મ્યુઝિકલ ફિલ્મ 'સત્યપ્રેમ કી કથા'નું ટ્રેલર રિલીઝ
ટ્રેલરની સાથે મેકર્સે રિલીઝ ડેટ વિશે પણ જાણકારી આપી
કાર્તિક આર્યન અને કિયારા અડવાણીની જોડી ફરી એકવાર મોટા પડદા પર જોવા મળશે. આપણે બધા જાણીએ છીએ કે બંનેએ 'ભૂલ ભુલૈયા 2'માં સાથે કામ કર્યું હતું.આ ફિલ્મ બોક્સ ઓફિસ પર સુપરહિટ રહી હતી.
એવામાં હવે આ બંનેની રોમેન્ટિક-મ્યુઝિકલ ફિલ્મ 'સત્યપ્રેમ કી કથા' આવવાની છે. સોમવારે ફિલ્મનું ટ્રેલર રિલીઝ કરવામાં આવ્યું છે. ટ્રેલરમાં કાર્તિક અને કિયારાનો રોમેન્ટિક અંદાજ જોવા મળી રહ્યો છે. તેમની વચ્ચેની કેમેસ્ટ્રી ચાહકોને પસંદ આવી રહી છે. ટ્રેલરની સાથે મેકર્સે રિલીઝ ડેટ વિશે પણ જાણકારી આપી છે.
ફિલ્મ 'સત્યપ્રેમ કી કથા' ક્યારે રિલીઝ થશે
ટીઝર અને પોસ્ટરને દર્શકોનો ખૂબ જ સારો પ્રતિસાદ મળ્યો છે.તેના ગીતો પણ પસંદ કરવામાં આવ્યા હતા, જે પછી મેકર્સને તેની પાસેથી ઘણી આશાઓ છે.ફિલ્મમાં કાર્તિક અને કિયારા ઉપરાંત ગજરાજ રાવ, સુપ્રિયા પાઠક, રાજપાલ યાદવ, શિખા તલસાનિયા, અનુરાધા પટેલ અને સિદ્ધાર્થ રાંધેરિયાની પણ મહત્વની ભૂમિકા છે.તેને સાજીદ નડિયાદવાલા, શરીન મંત્રી કેડિયા અને કિશોર અરોરાએ પ્રોડ્યુસ કર્યો છે.આ ફિલ્મનું નિર્દેશન સમીર વિદ્વાંસે કર્યું છે અને તે 29 જૂન, 2023ના રોજ સિનેમાઘરોમાં રિલીઝ થશે.