કોરોના વાયરસનો ભય દિવસેને દિવસે વધતો જાય છે અને સરકાર આનાથી બચવા માટ લોકોને સતત જાગૃત કરી રહી છે. બીજી તરફ બોલિવુડમાં તમામ સેલેબ્સ પણ લોકોને કોરોના વાયરસથી સર્તક રહેવા માટે કહી રહ્યા છે.
ઉલ્લેખનીય છે કે જ્યારથી કોરોના વાયરસે ભારતમાં પગ પેસારો કર્યો છે ત્યારથી અવારનવાર કોઇને કોઇ બોલિવુડ સેલિબ્રેટીએ સોશ્યલ મીડિયા પર આવીને લોકોને જાગૃત કરી રહ્યા છે. હવે કાર્તિક આર્યન સોશ્યલ મીડિયા પર એક વીડિયો શૅર કર્યો છે.
કાર્તિક આર્યને ગુરુવારે પોતાના ઇન્સ્ટાગ્રામ એકાઉન્ટ પર એક વીડિયો શૅર કર્યો છે, આ શેર કરેલા વીડિયોમાં કોરોના વાયરસથી બચવા માટે ઘરમાં રહેવાની અને થોડા દિવસ અન્ય લોકો સાથે અંતર જાળવવા માટે કહી રહ્યો છે.
જણાવી દઇએ કે, ગત વર્લ્ડ હેલ્થ ઓર્ગેનાઇઝશેન એ ગત બુધવારે કોરોનાને મહામારી ઘોષિત કરી દીધી. આની સાથે જ WHO એ સેફ હેન્ડ ચેલેન્ડ શરૂ કર્યુ જેમાં સેલિબ્રેટીઝ ખૂબ જ મોટા પ્રમાણમાં ભાગ લઇ રહ્યા છે.
બોલિવૂડ સ્ટાર્સ દીપિકા પાદુકોણ અને અનુષ્કા શર્માએ સેફ હેન્ડ્સનો વીડિયો સોશિયલ મીડિયા પર શેર કરી લોકોને સુરક્ષિત રહેવા કહ્યું છે.
આ સિવાય સચિન તેંડુલકર, એથ્લીટ હિમા દાસ, બેડમિન્ટન પ્લેયર પીવી સિંધુ સહિત અન્ય ભારતીય સ્ટાર્સે પણ તેમના વીડિયો શેર કર્યા છે. ઉપરાંત ‘ટર્મિનેટર’ ફેમ હોલિવૂડ એક્ટર આર્નોલ્ડ શ્વાર્ઝેનેગર, ગ્રેમી વિનર સિંગર અને એક્ટર બીલી પોર્ટર વગેરેએ પણ આ ચેલેન્જ સ્વીકારીને વીડિયો શેર કર્યા છે. આ ચેલેન્જને WHOના ડિરેક્ટર જનરલે શરૂ કરી હતી.