બોલિવૂડ એક્ટર કાર્તિક આયર્ને તેની ફિલ્મો અને કામથી દર્શકોનું દિલ જીતી લીધું છે. ફિલ્મોની સાથે-સાથે લોકો કાર્તિકની સ્ટાઈલના પણ દિવાના છે, પરંતુ હાલમાં જ એક્ટરે તેના એક ફેનને રિપ્લાય કર્યો બદલામાં એક લાખ રૂપિયા માંગ્યા હતા. આ વાતને લઈને એક્ટર ચર્ચામાં આવી ગયો છે. હકીકતમાં કાર્તિકે હાલમાં જ સોશિયલ મીડિયા એકાઉન્ટ પર એક તસવીર શેર કરી, જેમાં તેનો સ્ટાઈલ જોઈને ફેન્સ તેની પ્રસંશા કરવા લાગ્યા પરંતુ તેમાં એક ફેને તેને રિપ્લાય કરવા રિક્વેસ્ટ કરી હતી. જોકે, કાર્તિકે એ ફેનથી રિપ્લાય કરવા બદલ રૂપિયા માંગી લીધા હતા.
કાર્તિક આયર્નની તસવીર પર એક ફેનએ કમેન્ટ કરતા લખ્યું, ભાઈ હું તને એક લાખ રૂપિયા આપી, રિપ્લાય આપી દે યાર. ફેનની આ કમેન્ટનો જબરદસ્ત જવાબ આપતા કાર્તિક આયર્ને કહ્યું, આ લે રિપ્લાય. ક્યાં છે પૈસા. આ રીતે કાર્તિક આયર્ને તેના જવાબ બદલે ફેનથી એક લાખ રૂપિયા માંગ્યા. લોકો તેની આ કમેન્ટથી ઘણાં આકર્ષિત થયા.
વર્કફ્રંટની વાત કરીએ તો કાર્તિક ટૂંક સમયમાં ફિલ્મ ભૂલ ભલૈયામાં જોવા મળશે. આ ફિલ્મમાં તેની સાથે કિયારા અડવાણી પણ મુખ્ય ભૂમિકામાં છે. આ સિવાય કાર્તિક દોસ્તાના 2માં પણ જોવા મળશે. આ ફિલ્મમાં એક્ટરની સાથે જાહ્નવી કપૂર પણ મુખ્ય ભૂમિકામાં જોવા મળશે.