કાર્તિક આયર્ન લોકડાઉનમાં સોશિયલ મીડિયા પર ખૂબ જ એક્ટિવ થઈ ગયો છે. ફિલ્મ 'પ્યાર કા પંચનામા' ફેમ કાર્તિક આયર્ન ઘણાં વીડિયો દ્વારા લોકોમાં જાગરૂકતા ફેલાવવાની પણ કોશિશ કરી રહ્યો છે. આ એક્ટરના વીડિયો સોશિયલ મીડિયા પર ખૂબ ચર્ચામાં રહે છે. ત્યારે હાલમાં જ મધર્સ ડે પર કાર્તિકે તેના ઈન્સ્ટાગ્રામ એકાઉન્ટ પર એક વીડિયો શેર કર્યો છે. જે ખૂબ જ વાયરલ થઈ રહ્યો છે.
લોકડાઉનમાં કાર્તિક આર્યન સોશિયલ મીડિયા પર ખૂબ એક્ટિવ થઈ ગયો છે
તે અવારનવાર ફોટોઝ અને વીડિયો શેર કરે છે
તેનો હાલનો મધર્સ ડેનો વીડિયો ખૂબ વાયરલ થઈ રહ્યો છે
મધર્સ જે પર બધાંએ સોશિયલ મીડિયા પર પોતાની મોમ સાથે ફોટો કે વીડિયો શેર કર્યો છે પરંતુ કાર્તિક આયર્ને તેની મોમ સાથે કોઈ જ ફોટો નથી નાખ્યો. જેના કારણે કાર્તિકની મોમ તેના પર ભડકી જાય છે. હકીકતમાં આ વીડિયોમાં કાર્તિકથી તેની મોમ પૂછે છે કે, કોકી, મધર્સ ડે પર બધાએ પોતાની મમ્મીઓ સાથે સેલ્ફી નાખી છે. તે અત્યાર સુધી કેમ આપણી સેલ્ફી રાખી નથી?
તો મોમને જવાબ આપતા કાર્તિક કહે છે, તમને ખબર છે મને એક પોસ્ટના કેટલાક લાખ મળે છે. જેના પર તેની મોમ કહે છે, એક લાત મારીશ. ભોપલવાળી ફોઈ સવારથી બેવાર ફોન કરી ચૂકી છે અને તે અત્યાર સુધી કંઈજ નાખ્યું નથી. ચુપચાપ મારી સાથેની એક સેલ્ફી નાખી દે.
કાર્તિકે આ વીડિયો શેર કરીને કેપ્શનમાં લખ્યું-માની મમતા. એક્ટરની આ પોસ્ટ પર ફેન્સ ખૂબ જ કમેન્ટ કરી રહ્યાં છે અને પ્રતિક્રિયાઓ આપી રહ્યાં છે. કાર્તિકનો આ વીડિયો ખૂબ જ વાયરલ પણ થઈ રહ્યો છે. હવે એક્ટરના વર્કફ્રંટની વાત કરીએ તો કાર્તિક ટૂંક સમયમાં ભૂલ ભૂલૈયા 2માં જોવા મળશે. આ ફિલ્મમાં તેની સાથે કિઆરા અડવાણી પણ જોવા મળશે. આ સિવાય કાર્તિક જાહ્નવી કપૂર સાથે દોસ્તાના 2માં પણ જોવા મળશે.