બોલિવુડ / સિડ-કિયારા બાદ કાર્તિક આર્યન પણ તૈયાર છે સિંગલથી મિંગલ થવા? પોતે જ કર્યુ એલાન

• કાર્તિકે કહ્યુ- પ્યારકા પંચનામા બાદ હવે શાદી કા પંચનામા કરીશ
• વિચારુ છું હવે લગ્નનો લાડુ ખાઇ જ લઉં: કાર્તિક આર્યન 
• કાર્તિકના એલાન બાદ ક્રિતિના નામની અટકળો 

હાલ બોલિવુડમાં વેડિંગ સિઝન ચાલી રહી છે, અનેક સ્ટાર્સ લગ્નના બંધનમાં બંધાઇ ચુક્યાં છે. થોડા સમય પહેલા જ સિદ્ધાર્થ અને કિયારા અડવાણીએ લગ્ન કર્યા છે. ત્યાર બાદ અભિષેક પાઠકે પણ લગ્ન કરી લીધા. આ બંનેના લગ્નના ફોટોઝ સોશિયલ મીડિયા પર ખૂબ જ વાયરલ થયા હતા. જેમને ફેન્સે પણ ખૂબ જ પ્રેમ આપ્યો છે. હવે કાર્તિક આર્યન પણ સિંગલથી મિંગલ થવા જઇ રહ્યો છે. આવુ અમે નહીં પણ એક્ટર કાર્તિકે પોતે જ કહ્યુ છે. 

કાર્તિક આર્યને પોતાના ઇન્સ્ટાગ્રામ એકાઉન્ટ પર એક વીડિયો અપલોડ કર્યો છે. આ વીડિયોમાં કાર્તિક ઝી સિને એવોર્ડના મંચ પર ઢોલ નગારાની સાથે એન્ટ્રી કરે છે. ત્યારે બાદ કાર્તિક કહે છે કે, જુઓને બોલિવુડમાં એક બાદ એક બધાના બેંડ વાગી રહ્યા છે, બધા ઘોડા પર ચઢી રહ્યાં છે, બધાની વિકેટ પડી રહ્યાં છે, પરંતુ એક વિકેટ હજી પડી નથી. એલિજિબલ સિંગલ ક્લબમાં આખરે રહ્યુ કોણ? હું, પરંતુ હવે મોસમ બદલાઇ રહ્યો છે, હું પણ હવે પીગળી રહ્યો છું અને વિચારુ છું કે લગ્નનો લાડુ ખાઇને જોઇ જ લવું. પ્યારકા પંચનામા તો કરી લીધું છે હવે શાદી કા પંચનામા કરી જ લઉં. તેથી જ આ મંચની સાક્ષીએ હું મારા ફેન્સ અને ઇન્ડસ્ટ્રીને ન્યૂઝ આપવા માંગુ છું કે હું લગ્ન કરવા જઇ રહ્યો છું. 

 

 

 

 

View this post on Instagram

 

 

 

 

 

 

 

 

 

 

 

A post shared by KARTIK AARYAN (@kartikaaryan)

જો કે કાર્તિક આર્યનના આ એલાન બાદ ઓડિયન્સમાં બેઠેલા લોકો ખૂબ જ હંસવા લાગ્યા. કાર્તિકનો આ વીડિયો સોશિયલ મીડિયા પર ખૂબ જ વાયરલ થઇ રહ્યો છે. જો કે આ ઘોષણા સાચી છે કે મજાક છે. તે વાત સ્પષ્ટ થઇ નથી, પરંતુ ફેન્સને આ વીડિયો જોઇને મજા આવી છે. 

આ વીડિયોની નીચે યુઝર ક્રિતિ સેનન સાથે લગ્ન કરવાનું અભિનેતાને કહે છે. એક યૂઝરે લખ્યું કે, સર જો તમે લગ્ન કરવા વિશે વિચારી રહ્યાં હોય તો ક્રિતિ સેનન સાથે જ કરજો. તો બીજા યૂઝરે લખ્યુ કે, ભગવાન કરે ક્રિતિ સાથે જ લગ્ન થાય, તો અન્ય યૂઝરે લખ્યું કે કોણ છે તે પરી?ક્રિતિ સેનન તો નથી ને?

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી.