બોલિવૂડ એક્ટ્રેસ સારા અલી ખાને તેના કરિયરની શરૂઆત સુશાંત સિંહ રાજપૂત સ્ટારર ફિલ્મ કેદારનાથથી કરી હતી. આ ફિલ્મમાં તેના કામની ઘણી પ્રસંશા કરવામાં આવી હતી અને ત્યારબાદથી સારાના કરિયરનો ગ્રાફ સતત ઉપર વધતો જઈ રહ્યો છે. કરણ જોહરના ચર્ચિત શો 'કોફી વિથ કરણ'માં સારાએ ખુલાસો કર્યો હતો કે તેને કાર્તિક આયર્ન પર ક્રશ છે.
સારાએ આ ચેટ શોમાં એવું પણ કહ્યું હતું કે જો તેને તક મળશે તો તે કાર્તિકને ડેટ પણ કરશે. તેના થોડાં સમય પછી જ્યારે સારા રણવીર સિંહ સાથે ફિલ્મ સિમ્બામાં કામ કરી રહી હતી ત્યારે રણવીરે સારાની મુલાકાત કાર્તિક આયર્ન સાથે કરાવી હતી. આ મુલાકાતના વીડિયો સોશિયલ મીડિયા પર ખૂબ વાયરલ થયા હતા પણ આ બધાંની વચ્ચે કંઈક એવું રંધાઈ રહ્યું હતું, જેની રણવીર સિંહને જાણ નહોતી.
એક ઈન્ટરવ્યૂમાં વાતચીત દરમિયાન સારાએ ખુલાસો કર્યો કે તે અને કાર્તિક બંને પહેલાં જ મળી ચૂક્યા હતા, પણ જ્યારે રણવીર સિંહે આ બંનેની મુલાકાત કરાવી તો આ બંનેએ આ વાતને રહસ્ય જ રહેવા દીધી. જેથી રણવીર સિંહનો દિલ તૂટે નહીં. હવે સારા અને કાર્તિક તેમની અપકમિંગ ફિલ્મ લવ આજ કલમાં સાથે જોવા મળશે. આ ફિલ્મ 14 ફેબ્રુઆરીએ રિલીઝ થવાની છે.
તમને જણાવી દઈએ કે લવ આજ કલ સારા અલી ખાનની ત્રીજી ફિલ્મ છે અને આ પછી તે જલ્દી ફિલ્મ કૂલી નંબર 1માં કામ કરતી જોવા મળશે. આ ફિલ્મમાં સારા વરૂણ ધવનની ઓપોઝિટ કામ કરશે. ફિલ્મનું ટ્રેલર હજી રિલીઝ થયું નથી અને ફેન્સ આ ફિલ્મની આતુરતાથી રાહ જોઈ રહ્યાં છે.