ખુશખબર / કરતારપુર કોરિડોરઃ આજથી શરૂ થયું ઓનલાઈન રજિસ્ટ્રેશન, 5 નવેમ્બરે જશે પહેલું જૂથ

• તીર્થયાત્રીઓ માટે ઓનલાઈન રજિસ્ટ્રેશન થયું શરૂ
• કરતારપુર કોરિડોર માટે રજિસ્ટ્રેશન શરૂ
• 5 નવેમ્બરે પહેલું જૂથ જશે દર્શને

કરતારપુર કોરિડોર માટે તીર્થયાત્રીઓનું ઓનલાઈન 
રજિસ્ટ્રેશન આજથી શરૂ થઈ રહ્યું છે. હાલમાં લોન્ચ કરેલી વેબસાઈટની મદદથી ઓનલાઈન ફોર્મ ભરી શકાશે. શીખ ધર્મના સંસ્થાપક ગુરુ નાનક દેવની 550મી જન્મજયંતીના માટે શ્રદ્ધાળુઓનું પહેલું જૂથ 5 નવેમ્બર અને 6 નવેમ્બરે રવાના થશે.

ફી મુદ્દાને લઈને ચાલી રહી છે ચર્ચા

ભારતીય શીખ તીર્થયાત્રીઓને માટે આવનારા મહિને કરતારપુર કોરિડોરને ખોલી દેવાની સંભાવના છે. ભારત અને પાકિસ્તાનની વચ્ચે શ્રદ્ધાળુઓના દર્શન માટે ફીને લઈને વિવાદ સર્જાઈ રહ્યો છે. વિદેશ મંત્રાલયના પ્રવક્તા રવિશ કુમારે કહ્યું કે પાકિસ્તાન દરેક તીર્થયાત્રીઓ પાસેથી 20 ડોલર એટલે કે રૂપિયા 1428ની ફી લેવાનું વિચારી રહ્યા છે. હાલમાં પાકિસ્તાનને તીર્થયાત્રીઓને માટે આવું ન કરવાની માંગ કરવામાં આવી છે.