કર્ણાટકના બેલ્લારીમાં કોરોનાથી જંગ હારી ચૂકેલા લોકોના મૃતદેહની દફનવિધીનો વીડિયો સામે આવ્યો છે. મૃતદેહને દફનાવવાના સમયે તેમને ખાડામાં ફેંકતા નજરે પડે છે. વીડિયો સોશિયલ મીડિયા પર વાયરલ થયો છે. આ ઘટના પર કોંગ્રેસ અને જેડીએસ દ્વારા કર્ણાટકની ભાજપ સરકારની ટીકા કરી છે.
PPE કીટ પહેરેલા લોકો મૃતદેહને ખાડામાં મુકતા દેખાયા
કોંગ્રેસ નેતા ડી.કે. શિવકુમારે આ વીડિયો કર્યો છે શેર
આ વાયરલ થયેલા વીડિયોમાં નજરે પડી રહ્યું છે કે એક-એક કરીને એમ્બ્યુલન્સ મૃતદેહોને લાવી બદર્દીથી ખાડામાં ફેંકી રહી છે. વીડિયોમાં પીપીઇ સૂટ પહરેલા કર્મચારીઓ ખાડામાં મૃતદેહ નાંખતા જોવા મળી રહ્યાં છે. આ સાથે નજીકમાં એક જેસીબી મશીન પણ જોવા મળી રહ્યું છે. એક અનુમાન મુજબ આ મૃતદેહો માટે આ જેસીબી મશીન દ્વારા જ ખાડો ખોદવામાં આવ્યો હશે તેવું લાગી રહ્યું છે. સરકારી કર્મચારીઓના આ વર્તન પર રાજકીય પક્ષોએ નારાજગી વ્યક્ત કરી છે.
કર્ણાટકમાં કોરોના વાયરસથી મૃત્યુ પામનારા દર્દીના મૃતદેહને ખાડામાં ફેંકીને દફન કરવાનો વીડિયો વાયરલ થયા બાદ હંગામો થઈ ગયો. કર્ણાટકના બલ્લારી જિલ્લાના આ વીડિયોને કોંગ્રેસ નેતા ડી.કે. શિવકુમારે પણ શેર કર્યો છે. કોંગ્રેસ નેતાએ તેને અમાનવીય ઘટના ગણાવીને સવાલ ઉઠાવ્યા છે. વીડિયોમાં કેટલાક લોકો PPE પહેરેલા નજરે પડી રહ્યા છે. જે એક ગાડીમાં રાખેલા મૃતદેહને ખાડામાં દફન કરે છે. તમામ મૃતદેહને એક જ ખાડામાં દફન કરે છે.
It's disturbing to see bodies of COVID patients who have died being dumped inhumanly into a pit in Ballari.
Is this civility? This is a reflection of how the govt has handled this Corona crisis.
I urge the govt to take immediate action and ensure that this doesn't happen again. pic.twitter.com/lsbv5ZUNCR
ડી.કે. શિવકુમારે સોશિયલ મીડિયામાં વીડિયો શેર કરીને લખ્યું કે દર્દીના મૃતદેહને અમાનવીયતા રીતે ખાડામાં ફેંકવા એ દુઃખદ છે. તેમને તપાસની માગ કરતા કહ્યું કે આનાથી એ જાણી શકાય છે કે સરકાર કોરોના સંકટને કેવી રીતે સંભાળી રહી છે. આ ખાડામાં 8 લોકોના મૃતદેહ દફનાવાયા હતા.
આ મામલે જિલ્લાના ડેપ્યુટી કમિશનરે તપાસના આદેશ આપ્યા છે. આ મામલે મુખ્યમંત્રી યેદિયુરપ્પાએ પણ ટ્વીટ કરીને દુખ વ્યક્ત કર્યું છે. CMએ લખ્યું કે બલ્લારી જિલ્લાની ઘટના અને કર્મચારીઓનો વ્યવહાર અમાનવીય અને કષ્ટદાયક છે.હું કર્મચારીઓને અપીલ કરું છું કે એ વાતને સમજે કે માનવતાથી મોટો ધર્મ કોઈ નથી.