મિયાપુરા ગામમાં એક દલિત પરિવારનું બાળક પોતાના જન્મ દિવસ પર મંદિરમાં પ્રવેશતા દલિત પરિવારને 35 હજારનો દંડ ફટકારવામાં આવ્યો હતો.
પોતાના જન્મદિન પર દલિત પરિવારનું 4 વર્ષનું બાળક મંદિરમાં પ્રવેશી ગયું
ઉચ્ચ વર્ગના લોકોએ આ માટે દલિત પરિવારને 35 હજારનો દંડ ફટકાર્યો
પોલીસને જાણ થતા ઉચ્ચ વર્ગના લોકોને આ માટે બરાબર ઝાટકયા
પોતાના જન્મદિન પર દલિત પરિવારનું 4 વર્ષનું બાળક મંદિરમાં પ્રવેશી ગયું
કર્ણાટકના કોપ્પલથી એક ચોંકાવનારી ઘટના સામે આવી છે. કોપ્પલના મિયાપુરા ગામમાં રહેનારા એક દલિત પરિવારનું બાળક થોડાક દિવસ પહેલા પોતાના જન્મ દિવસ પર મંદિર ગયો હતો. આ વાતથી ગામમાં ઉચ્ચ જાતિના લોકો નારાજ થઈ ગયા અને તેના પિતાને 25 હજાર દંડ તરીકે અને 10 હજાર રુપિયા મંદિરની સફાઈ માટે આપવાનું કહ્યું. આ મામલામાં તલાટી સિદ્દેશે કહ્યું કે ઘટના બાદ ગામમાં વૃદ્ધોએ આ કામ માટે માફી માંગી છે અને સાથે કહ્યું કે આવું કોઈ ગેર સમજને કારણે થયુ છે.
ઉચ્ચ વર્ગના લોકોએ આ માટે દલિત પરિવારને 35 હજારનો દંડ ફટકાર્યો
હકિકતમાં દલિત વ્યક્તિનો 4 વર્ષનું બાળક છે. તે તેના જન્મ દિવસ પર હનુમાન મંદિર ગયો હતો. આ મંદિરમાં દલિતોના પ્રવેશ પર પ્રતિબંધ લગાવવામાં આવ્યો છે. તેવામાં તેના પિતા તને મંદિરની બહારથી દર્શન કરાવે છે. પરંતુ તે દિવસે દીકરો અંદર જતો રહ્યો હતો. આ ઘટના સપ્ટેમ્બરની હોવાનું કહેવામાં આવી રહ્યું છે. બાળકોના મંદિરમાં પ્રવેશ કરવા બાદ ગામના ઉચ્ચ જાતિના લોકોએ મંદિરને અપવિત્ર માની લીધું. આ બાદ 11 સપ્ટેમ્બરે આ સંબંધમાં મોટી બેઠક કરવામાં આવી. દલિત પરિવારને 25 હજારનો દંડ ફટકારવામાં આવ્યો અને 10 હજાર રુપિયા મંદિરની સફાઈ માટે માંગવામાં આવ્યા.
પોલીસને જાણ થતા ઉચ્ચ વર્ગના લોકોને આ માટે બરાબર ઝાટકયા
જિલ્લા પ્રશાસને તત્ત્પરતા દર્શાવતા પ્રશાસનિક ઓફિસરોને ગામમાં મોકલ્યા. આ બાદ અધિકારીઓએ દલિત બાળકોના પરિવારની વિરુદ્ધ દંડ લગાવા માટે ઉંચી જાતિના લોકોને બરાબર ફટકાર્યા. સાથે ભવિષ્યમાં એવું કરવા પર કાયદાકીય કાર્યવાહીની ચેતવણી આપવામાં આવી છે. કોપ્પલના એસપીએ વિસ્તારની મુલાકાત લીધી છે.