OMG / ટૂથપેસ્ટ સમજીને મહિલાએ લગાવી દાંતમાં એવી વસ્તુ કે થઈ ગઈ મોત

• કર્ણાટકનો ચોંકાવનારો મામલો 
• ઉંદરની દવાથી કરી લીધું બ્રશ 
• ખાનગી હોસ્પિટલમાં દાખલ કર્યા  બાદ મોત 

આખો મામલો શું છે?

કર્ણાટકમાં એક મહિલાનું મોત નીપજ્યું. કારણ કે તેણે ટૂથપેસ્ટને બદલે ઉંદરની દવાથી દાંત સાફ કરી લીધાં હતાં.

ટાઇમ્સ ઑફ ઈન્ડિયાના રિપોર્ટ અનુસાર આ મહિલાનું નામ લીલા હતું. તેની ઉંમર 57 વર્ષની હતી અને તે કર્ણાટકના માલપેમાં રહેતી હતી. પોલીસના જણાવ્યા મુજબ, આ કેસમાં અકુદરતી રીતે મોતનો રિપોર્ટ પણ નોંધવામાં આવ્યો છે. આ ઘટના મંગળવારે 19 નવેમ્બર સાંજે 5 વાગ્યેની છે. લીલાએ ભૂલથી તેના ટૂથબ્રશ પર ઉંદરની દવા (જે ટ્યુબમાં હતી) લગાવી અને તેની સાથે બ્રશ કરવાનું શરૂ કર્યું. આથી તેની હાલત ગંભીર બની હતી. તેને સારવાર માટે હોસ્પિટલમાં લઈ જવામાં આવી હતી.

રિપોર્ટ અનુસાર, લીલા ટૂથપેસ્ટ અને ઉંદરની દવા વચ્ચે ફર્ક કરી શકી ન હતી. લીલાની ખાનગી હોસ્પિટલમાં સારવાર ચાલી રહી હતી. પરિસ્થિતિમાં બહુ સુધારો થયો નહીં અને આખરે 24 નવેમ્બર, રવિવારે ડોકટર્સે તેમને મૃત જાહેર કર્યા.