કંઈક આવા છે ભાજપના મંત્રી બી. શ્રીરામુલુની દીકરીના લગ્ન. કર્ણાટકમાં ભાજપના સંકટમોચક કહેવાતા દલિત નેતા અને કર્ણાટક સરકારમાં આરોગ્ય મંત્રી શ્રી રામુલુ લગ્નમાં ખર્ચને લઈ ઈતિહાસ સર્જવા જઈ રહ્યા છે. બી. શ્રીરામુલુની પુત્રી રક્ષિતાના 5 માર્ચે લગ્ન થશે. જેમાં પાણીની માફક પૈસા વહાવવામાં આવી રહ્યા છે. લગ્ન ખર્ચમાં આ મંત્રીશ્રી પોતાના મિત્ર અને ખનન માફિયા જી જનર્ધન રેડ્ડીને પણ પાછળ છોડવા જઈ રહ્યા છે.
કર્ણાટક સરકારમાં આરોગ્ય મંત્રી શ્રી રામુલુ લગ્નમાં ખર્ચને લઈ ઈતિહાસ સર્જવા જઈ રહ્યા છે.
આ ભવ્ય સમારંભમાં રાજનેતાઓ સાથે 500 પૂજારીઓને આમંત્રણ આપવામાં આવ્યું છે
શ્રીરામુલુએ PM નરેદ્ર મોદી, ગૃહમંત્રી અમિત શાહ અને પાર્ટીના અન્ય મોટા નેતાઓને ખાસ આમંત્રણ આપ્યું
આરોગ્ય મંત્રી શ્રીરામુલુની પુત્રી રક્ષિતાના 5 માર્ચે હૈદરાબાદના ઉદ્યોગપતિ રવિ કુમાર સાથે લગ્ન થવા જઈ રહ્યા છે. 9 દિવસ ચાલનારા આજ લગ્નની શરૂઆત 27 ફેબ્રુઆરીથી થઈ હતી.આ લગ્ન સૌથી મોટા લગ્ન છે. આ પહેલા વર્ષ 2016માં જી.જનાર્ધન રેડ્ડીની પુત્રી બ્રાહ્મણીના લગ્નનો રેકોર્ડ હતો.આલીશાન આયોજન કરનારા રેડ્ડી હાલ પોતાના મિત્ર શ્રીરામુલુને લગ્નના આયોજનમાં મદદ કરી રહ્યા છે.
કેવી છે લગ્નની તૈયારીઓ ?
આ ભવ્ય સમારંભમાં રાજનેતાઓ સાથે 500 પૂજારીઓને આમંત્રણ આપવામાં આવ્યું છે.આ પૂજારીઓને રોકાવા માટે બેંગાલુરુમાં વિશેષ વ્યવસ્થા કરવામાં આવી છે.રક્ષિતાના લગ્ન માટે એક લાખ વિશેષ કાર્ડ બનાવવામાં આવ્યા છે.આ કાર્ડમાં આરોગ્યનું ખાસ ધ્યાન રાખવામાં આવ્યું છે.પોતે આરોગ્ય મંત્રી હોવાને કારણે શ્રીરામુલુએ આમંત્રણ પત્રિકાની સાથે કોસર, ઈલાઈચી, સિંદુર, હળદર અને અક્ષત સાથે રાખ્યું છે.
શ્રીરામુલુએ પ્રધાનમંત્રી નરેન્દ્ર મોદી, ગૃહમંત્રી અમિત શાહ અને પાર્ટીના અન્ય મોટા નેતાઓને ખાસ આમંત્રણ આપ્યું છે.આ લગ્ન પેલેસ ગ્રાઉન્ડમાં થવાના છે જે લગભગ 40 એકરમાં ફેલાયેલું છે.27 એકરમાં લગ્ન સમારંભ યોજાશે જ્યારે 15 એકરમાં પાર્કિંગની વ્યવસ્થા કરવામાં આવી છે.તો લગ્નના સેટ માટે બોલિવુડના ખ્યાતનામ ડાયરેક્ટરને બોલાવવામાં આવ્યા છે.જે છેલ્લા ત્રણ મહિનાથી ભવ્ય સેટ તૈયાર કરી રહ્યા છે.
આ સેટ હેંપી વીરુપક્ષ મંદિર સહિત અનેક મંદિરના કલાકૃતિ પર બનાવવામાં આવી રહ્યો છે.200 લોકો માત્ર ફુલો સજાવવા માટે લાગેલા છે.તો વધુ એક સેટ બેલ્લારીમાં બનાવવામાં આવી રહ્યો છે જ્યાં લગ્ન બાદ રિસેપ્શન યોજાશે.
શ્રીરામુલુના પુત્રીના લગ્નમાં કેટલો ખર્ચો કરાઈ રહ્યો છે તે એ વાત પરથી જ સમજી શકાય છે કો પુત્રીના મેકઅપ માટે દીપિકા પાદુકોણના મેકઅપ આર્ટિસ્ટને બોલાવાયો છે.આ સાથે ફોટો અને વીડિયોગ્રાફી માટે જયરામન પિલ્લઈ અને દિલિપની ટીમને બોલાવાઈ છે.આ જ ટીમે મુકોશ અંબાણીની દીકરી ઈશા અંબાણીના શાહી લગ્નમાં ફોટો ખેંચ્યા હતા.અને વીડિયોગ્રાફી કરી હતી.રક્ષિતાના લગ્નના કપડા સાનિયા સરદારિયાએ ડિજાઇન કર્યા છે.
તો વરરાજાના પરિવાર અને મહેમાનોને રહેવા માટે ફાઈવ સ્ટાર હોટલો બુક કરાવાઈ છે.એક હજાર રસોઈયાઓ મહેમાનો માટે ખાસ ડીશ બનાવશે.તો એક એવો ખાસ ડાયશનગ બનાવવામાં આવી રહ્યો છે જેમાં 7 હજાર લોકાો સાથે બેસીને જમી શકશે.