કર્ણાટક / JDSનો ગંભીર આરોપ-ધારાસભ્યોને ખરીદવા BJP ખર્ચી રહી છે 1000 કરોડ રૂપિયા

જેડીએસે કહ્યું છે કે 'કર્ણાટકમાં ધારાસભ્યોને ખરીદવા માટે બીજેપી 1000 કરોડ રુપિયા ખર્ચ કરી રહી છે. લગભગ મિઝોરમ, મણિપુર અને સિક્કિમના વાર્ષિક બજેટના 10 ટકા ભાગ જેટલો. મોદી અને શાહને આ પૈસા ક્યાં અને કેવી રીતે મળી રહ્યા છે? ભ્રષ્ટાચારથી મુક્તિ પુસ્તકો સુધી સીમિત રહી ગઇ છે. પરંતુ આ જ હકીકત છે. 

પરંતુ આ પહેલી વાર નથી કે જ્યારે જેડીએસે બીજેપી પર આ પ્રકારના આરોપ લગાવ્યા હોય. આ પહેલા પણ ઘણીવાર બીજેપી પર ધારાસભ્યોને ખરીદી કરવાનો આરોપ લગાવી ચૂકી છે. આપને જણાવીએ કે લગભગ દોઢ વર્ષ જુની કોંગ્રેસ-જેડીએસ ગઠબંધન વાળી સરકારના પડી ભાંગવાનો ખતરો ઉભો થયો છે. 

કર્ણાટક  સંકટ પર સંસદમાં હંગામો
 
કર્ણાટકમાં મંડરાઇ રહેલો ખતરાના પડઘા લોકસભા અને રાજ્યસભામાં પણ પડ્યા હતા. લોકસભામાં રાહુલ ગાંધીએ તેના વિરુદ્ધ નારા લગાવ્યા હતા જ્યારે રાજ્યસભામાં કોંગ્રેસે જોરદાર હંગામો કર્યો હતો, જે બાદ ગૃહની કાર્યવાહી સ્થગિત કરવામાં આવી હતી.