Video / લોકો પર 500 રૂપિયાની નોટ ઉડાવી, 'પ્રજા ધ્વની યાત્રા' દરમિયાન કોંગી નેતા આવ્યા વિવાદમાં

• કોંગ્રેસ અધ્યક્ષ ડીકે શિવકુમારનો વીડિયો થયો વાયરલ
• એક રેલી દરમિયાન લોકો પર 500 રૂપિયાની નોટ ઉડાવી
• 'પ્રજા ધ્વની યાત્રા' દરમિયાન કોંગી નેતાએ આવ્યા વિવાદમાં

કર્ણાટકમાં કોંગ્રેસ અધ્યક્ષ ડીકે શિવકુમારનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વાયરલ વીડિયો મંગળવારનો જણાવવામાં આવી રહ્યો છે. મળતી માહિતી મુજબ ડીકે શિવકુમાર મંગળવારે માંડ્યામાં એક રેલી દરમિયાન લોકો પર 500 રૂપિયાની નોટ ઉડાવતા જોવા મળ્યા હતા. તેમણે શ્રીરંગપટ્ટનામાં કોંગ્રેસ દ્વારા આયોજિત પ્રજા ધ્વનિ યાત્રામાં ભાગ લીધો હતો. આ દરમિયાન તેણે બેવિનાહલ્લીમાં બસની ઉપરથી કલાકારો પર પૈસાની વર્ષા કરી હતી. કર્ણાટક કોંગ્રેસના પ્રમુખ ડીકે શિવકુમાર શ્રીરંગપટનામાં કોંગ્રેસ દ્વારા આયોજિત 'પ્રજા ધ્વની યાત્રા' દરમિયાન માંડ્યા જિલ્લાના બેવિનાહલ્લી નજીક કલાકારો પર 500 રૂપિયાની ચલણી નોટ ફેંકતા જોવા મળ્યા હતા. આ ઘટનાનો વીડિયો હાલ સોશિયલ મીડિયા પર વાયરલ થઈ રહ્યો છે. 

#WATCH | Karnataka Congress Chief DK Shivakumar was seen throwing Rs 500 currency notes on the artists near Bevinahalli in Mandya district during the ‘Praja Dhwani Yatra’ organized by Congress in Srirangapatna. (28.03) pic.twitter.com/aF2Lf0pksi

— ANI (@ANI) March 29, 2023

શિવકુમાર ભૂતકાળમાં પણ વિવાદો સાથે ઘેરાયેલા રહ્યા 

થોડા દિવસો પહેલા તેમણે રાજ્યના ડીજીપી પ્રવીણ સૂદને અસમર્થ ગણાવ્યા હતા. એવો દાવો કરવામાં આવ્યો હતો કે પ્રવીણ રાજ્યમાં ભાજપ સરકારનો બચાવ કરી રહ્યા હતા અને તેની પાર્ટીના નેતાઓ સામે કેસ નોંધી રહ્યા હતા. શિવકુમારે ચેતવણી આપી હતી કે જો તેમની પાર્ટી સત્તામાં આવશે તો તેમની વિરુદ્ધ કાર્યવાહી કરવામાં આવશે. કોંગ્રેસના નેતાએ પ્રવીણ પર નાન્જે ગૌડા અને ઉરી ગૌડાના નામને લઈને આરોપ લગાવ્યો હતો. હિંદુ કાર્યકર્તાઓના મતે નાંજે અને ઉરીએ મૈસુરના શાસક ટીપુ સુલતાનની હત્યા કરી હતી.