નેશનલ / કોંગ્રેસના CMને જોઇ રાજનાથ સિંહે એવું શું કર્યું કે Video થઇ ગયો વાયરલ, કહ્યું 'આ જ છે RSSની સંસ્કૃતિ'

રક્ષા મંત્રી રાજનાથ સિંહ મંગળવારે ' ઇન્વેસ્ટ કર્ણાટક 2025' કાર્યક્રમમાં પહોંચ્યા હતા. આ કાર્યક્રમના એમ તો ઘણા વીડિયો અને ફોટો સામે આવ્યા છે પરંતુ એક વીડિયો ખૂબ વાયરલ થઈ રહ્યો છે જેને લોકો ઘણો પસંદ કરી રહ્યા છે. તો કોંગ્રેસી નેતાઓ અને તેમની પાર્ટી પર સવાલ પણ ઉઠી રહ્યા છે.

શું છે તે વીડિયોમાં?

26 સેકન્ડના વાયરલ વીડિયોમાં રક્ષા મંત્રી રાજનાથ સિંહ અને કર્ણાટકના મુખ્યમંત્રી સિદ્ધારમૈયા જોવા મળે છે. જે આ દિવસોમાં ઘૂંટણના દુખાવાથી પીડાઈ રહ્યા છે. તેમના ઘૂંટણમાં ઈજા હોવા છતાં સિદ્ધારમૈયાએ મંગળવારે રાજ્યના અગ્રણી વૈશ્વિક રોકાણકારોની બેઠક ઇન્વેસ્ટ કર્ણાટક 2025ના ઉદ્ઘાટન સમારોહમાં હાજરી આપી હતી. આ પ્રસંગે તેઓ વ્હીલચેરમાં આવ્યા હતા. વીડિયોમાં જોઈ શકાય છે કે રાજનાથ સિંહે સિદ્ધારમૈયાને વ્હીલચેર પર બેઠેલા જોયા કે તરત જ તેમણે હાથથી ઈશારો કરવાનું શરૂ કર્યું અને તેમને બેસી રહેવા કહ્યું. ત્યારબાદ બંનેએ એકબીજાને શુભેચ્છા પાઠવી અને સિદ્ધારમૈયાએ રાજનાથ સિંહને તેમની વ્હીલચેર પર બેઠા બેઠા જ ફ્લાવર બુકે આપ્યું અને બંને વાતોએ વળગ્યા.

કર્ણાટકના મુખ્યમંત્રીને રાજનાથની સલાહ

ઇન્વેસ્ટ કર્ણાટક-2025' ના ઉદ્ઘાટન પ્રસંગે કર્ણાટકના મુખ્યમંત્રી સિદ્ધારમૈયાના ઘુંટણના દુખાવા અંગે કટાક્ષ કરતાં રાજનાથ સિંહે કહ્યું કે, " સિદ્ધારમૈયા તમામ અવરોધોને પાર કરશે. જ્યારે હું શનિવારે બેંગલુરુ આવ્યો ત્યારે મને મુખ્યમંત્રી સિદ્ધારમૈયાના ઘૂંટણમાં દુખાવાની ખબર પડી. તેમને આ કાર્યક્રમમાં જોઈને આનંદ થયો અને તે દર્શાવે છે કે તેઓ ઝડપથી સ્વસ્થ થઈ રહ્યા છે. રાજકારણમાં તમારા પગ સુરક્ષિત રાખવા ખૂબ જ મહત્વપૂર્ણ છે અને તમારે ખૂબ કાળજી રાખવી પડશે કારણ કે તમને દરેક જગ્યાએ અવરોધો મળશે" . આ ટિપ્પણી સાંભળીને ત્યાં હાજર શ્રોતાઓ અને સિદ્ધારમૈયા પોતે પણ હસવા લાગ્યા જેથી પણ કોંગ્રેસી નેતા અને પાર્ટીને લઈને પ્રશ્નો ઊભા થયા છે.

વધુ વાંચો:

આ છે RSSની સંસ્કૃતિ

કોઈએ આ ઘટનાનો વીડિયો બનાવીને સોશિયલ મીડિયા પર શેર કર્યો જેના પછી આ વીડિયો વાયરલ થવા લાગ્યો. એક યુઝરે પોતાના કમેન્ટ કરી કે 'શું તમે કોઈ એવો કોંગ્રેસી નેતા જોયો છે કે જે ભાજપના નેતાને આટલું માન આપે? ભાજપને બાજુ પર રાખો શું તમને એકપણ એવો કોંગ્રેસી નેતા પણ મળશે કે જે બીજા કોંગ્રેસી નેતાને આટલું માન આપતો હોય? આને કહેવાય RSS સંસ્કૃતિ!!" જે બાદ ઘણા યુઝર્સે પોતાના મંતવ્યો વ્યક્ત કર્યા.