OMG / ભારે કરી હો..! ATM મશીનમાંથી 100 રૂપિયાને બદલે નીકળી 500ની નોટ, જાણો કારણ

• કર્ણાટકમાં બની અનોખી ઘટના 
• ATMમાંથી 100 રૂપિયાની જ્ગ્યાએ નીકળી 500ની નોટ
•  લોકોમાં કૌતુક 

કોડાગુ પોલીસ અધિક્ષક સુમન ડી. પેન્નેકરે જણાવ્યું કે, "એટીએમમાં પૈસા મૂકવા માટેની જવાબદાર એજન્સીએ મશીનની ટ્રેમાં 100 રૂપિયાની નોટો ભરવાને બદલે 500 રૂપિયાની નોટો ભરી દીધી, ત્યારબાદ 1.70 લાખ રૂપિયા ઉપાડવામાં આવ્યા."

100 રૂપિયાની નોટને બદલે નીકળી 500 રૂપિયાની નોટ 

પેન્નેકરે કહ્યું કે, કોડાગુ જિલ્લાના મદિકરી શહેર સ્થિત ATMમાંથી જો કોઇ ગ્રાહક 100 રૂપિયા ઉપાડવા માટે આવે તો મશીનમાંથી 500 રૂપિયાની નોટ નીકળતી હતી. મદકરી બેંગલુરૂથી 268 કિલોમીટર દૂર પશ્ચિમમાં સ્થિત છે. 

કેનરા બેંકના ATMમાં બની આવી ઘટના 

પેન્નેકરે આ અંગે વધુમાં કહ્યું હતું કે, જો કે, આ મામલા અંગે કોઇએ કેનરા બેંકનું ધ્યાન દોરતા જ અધિકારીઓ સક્રિયા થયાં હતા અને આ અંગેની જાણ નજીકના પોલીસ મથકે કરી હતી અને પૈસા પરત મેળવવા માટે કાર્યવાહી હાથ ધરી હતી. જો કે, પ્રાપ્ત થયેલ અહેવાલ અનુસાર, અત્યાર સુધીમાં મોટા ભાગના નાણા વસૂલવામાં પોલીસ અને બેંક સ્ટાફને સફળતા હાંસલ થઇ છે. 

બે લોકોએ પૈસા પરત આપવા કરી આનાકાની 

પોલીસ અધિક્ષકે આ મામલે વધુમાં જણાવ્યું કે, બે ગ્રાહકોએ બેંકની ભૂલ ગણાવીને પૈસા પરત કરવા આનાકાની કરી હતી. જો કે, ATM માં પૈસા ભરવાની એજન્સીને જવાબદાર ગણાવીને આ ભૂલ અંગે લોકોને જાણકારી આપી હતી. અંતે બંન્ને વ્યક્તિએ 65 હજાર રૂપિયા બેંકને પરત આપવા માટે સહમત થયાં હતા.