સોશ્યલ ડિસ્ટન્સિંગ તોડવાનો BJPનો આ પહેલો કેસ નથી. હાલમાં કર્ણાટકના તુરુવેકેરના ધારાસભ્ય એમ જયરામને જન્મદિવસની પાર્ટીની ભીડમાં જોવા મળ્યા. આ પહેલાં પણ મુખ્યમંત્રી યેદિયુરપ્પાએ સામાજિક સમારોહ ન કરવાની સૂચનાનો ભંગ કરીને પણ એક લગ્ન પ્રસંગમાં હાજરી આપી હતી.
લૉકડાઉનનો કરાયો ભંગ
BJPના ધારાસભ્યએ આપી જન્મદિવસની પાર્ટી
પાર્ટીમાં સોશ્યલ ડિસ્ટન્સિંગનો ભંગ અને વહેંચી બિરયાની
દેશમાં કોરોના વાયરસનો ખતરો વધી રહ્યો છે ત્યારે કેન્દ્ર અને રાજ્ય સરકાર સતત લોકોને બહાર ન નીકળવાની અને સોશ્યલ ડિસ્ટન્સિંગ જેવા લૉકડાઉનના નિયમનું પાલન કરવાનું કહી રહી છે. આમ છતાં લોકો મનમાની કરી રહ્યા છે. સરકારના ધારાસભ્યો જ નિયમોનો ભંગ કરી રહ્યા છે.
Karnataka: BJP MLA from Turuvekere M Jayaram today celebrated his birthday with villagers in Gubbi taluk, Tumkur, during lockdown for prevention of COVID19 transmission. pic.twitter.com/nNSpPLTBmU
કર્ણાટકના તુરુવેકેરના ધારાસભ્ય એમ જયરામે હાલમાં પોતાનો જન્મદિવસ ભીડમાં પસાર કર્યો. મળતી માહિતી અનુસાર તેઓએ બેંગલુરુથી 90 કિમી દૂર ગુબ્બીમાં જન્મદિવસની પાર્ટી આપી હતી. તેમાં લૉકડાઉનમાં પણ મોટી સંખ્યામાં લોકો સામેલ થયા હતા.
ધારાસભ્યએ કેક કાપી અને બિરયાની વહેંચી
ધારાસભ્ય જયરામની પાર્ટીના ફોટો અને વીડિયોમાં તેઓ સફેદ રંગના ગ્લવ્ઝ પહેરીને કેક કાપી રહ્યા છે. તેમની પાસે બાળકો સહિત મોટી વ્યક્તિઓ પણ મોટા પ્રમાણમાં છે. કોઈએ માસ્ક પણ પહેર્યા નથી અને ન તો કોઈએ સોશ્યલ ડિસ્ટન્સિંગનું પાલન કર્યું છે. આ સાથે જ ધારાસભ્યએ પાર્ટીમાં બિરયાની પણ વહેંચી હતી.
અગાઉ કર્ણાટકના મુખ્યમંત્રીએ પણ કર્યો હતો નિયમ ભંગ
જયરામ પહેલા નેતા નથી જેઓએ કર્ણાટકમાં સોશ્યલ ડિસ્ટન્સિંગનું પાલન કર્યું ન હોય. ગયા મહિને એક લગ્નમાં હાજરી આપીને સામાજિક સમારોહમાં પ્રતિબંધ હોવા છતાં તેઓએ હાજરી આપી હતી. બીએસ યેદિયુરપ્પા બેલગાવીમાં ભાજપ નેતાના લગ્ન સમારોહમાં પહોંચ્યા હતા.
આ નેતાએ પણ તોડ્યો લૉકડાઉનનો નિયમ
કોંગ્રેસ કાર્યકર્તાઓ પણ રાજ્યમાં સોશ્યલ ડિસ્ટન્સિંગનો નિયમ તોડતા જોવા મળ્યા છે. કર્ણાટકમાં કોંગ્રેસના કદાવર નેતા ડીકે શિવકુમારને રાજ્ય કોંગ્રેસના અધ્યક્ષ બનાવાયા છે. તેમના સ્વાગતમાં સેંકડો કોંગ્રેસી કાર્યકર્તા એરપોર્ટથી લઈને પાર્ટી કાર્યાલય સુધી ગયા હતા.