કર્ણાટકના ભાજપ ધારાસભ્ય સીએસ નિરંજનના પુત્રનો એક વીડિયો વાયરલ થઇ રહ્યો છે. જેમાં તે લૉકડાઉન દરમિયાન નેશનલ હાઇવે પર ઘોડેસવારી કરતો નજરે આવી રહ્યો છે.
કર્ણાટકના ભાજપના ધારાસભ્ય સીએસ નિરંજનના પુત્ર કુમારનો વીડિયો સામે આવ્યો છે
લૉકડાઉનના નિયમો નેવે મૂકીને નેશનલ હાઇવે ગુંડલુપેટ પર ઘોડેસવારી કરતો જોવા મળ્યો
ધારાસભ્યના પુત્ર દ્વારા નિયમો તોડતા લોકો રોષે ભરાય છે
ભારતમાં કોરોના વાયરસને જોખમને જોતા લૉકડાઉનને 17 મે સુધી વધારી દેવામાં આવ્યું છે. એક બાજુ સમગ્ર દેશ લૉકડાઉનનું પાલન કરી રહ્યો છે ત્યારે કર્ણાટકના ભાજપના ધારાસભ્ય સીએસ નિરંજનના પુત્ર કુમારનો વીડિયો સામે આવ્યો છે. આ વીડિયોમાં સીએમ નિરંજનનો પુત્ર લૉકડાઉનના નિયમો નેવે મૂકીને નેશનલ હાઇવે ગુંડલુપેટ પર ઘોડેસવારી કરતો જોવા મળી રહ્યો છે.
ઘોડેસવારી કરતી વખતે ધારાસભ્યના પુત્રએ માસ્ક નથી પહેર્યું અને સાથે સાથે કોરોના વાયરસથી બચાવ માટે અન્ય સાવધાનીઓ પણ રાખી છે.
સોશિયલ મીડિયા યૂઝર્સે ઊઠાવ્યા પ્રશ્નો
મહામારીના આ સમયમાં ધારાસભ્યના પુત્ર દ્વારા નિયમો તોડતા લોકો રોષે ભરાય છે. સોશિયલ મીડિયા પર આ વાયરલ વીડિયો પર અનેક લોકોએ પ્રતિક્રિયા આપી સવાલ કર્યા છે. એક યુઝરે કહ્યું કે કોરોના વાયરસમાં રેડ ઝોનમાં અમે બાઇક નથી ચલાવી શકતા પણ ઘોડો દોડાવી શકીએ છીએ.
Wow, Look at this.
Entire country is in #Lockdown.But for VIPs son No #Lockdown, nothing. Gundlupet BJP MLA Niranjan Kumars son riding his horse Enjoying the Ride
Any action expected CM sir. pic.twitter.com/5Xsiw5bNLH
શું બોલ્યા સ્થાનિક અધિકારી?
સ્થાનિક અધિકારીઓને આ અંગે પુછતા તેમણે કહ્યું કે કુમાર વિરુદ્ધ હજી સુધી કોઇ મામલો દાખલ કરવામાં નથી આવ્યો. ચામરાજનગરના એસપીએ કહ્યું કે તે નેશનલ હાઇવે પર ઘોડો સવારી કરી લોકડાઉનના નિયમોને તોડવાની મામલાની તપાસ કરી રહ્યા છે. જો કે કર્ણાટકમાં ધારાસભ્ય અને તેમના પરિવારજનોથી લોકડાઉનના નિયમો તોડવાનો આ કોઇ પહેલો કેસ નથી. આ પહેલા માર્ચ મહિનામાં જેડીએસના ધારાસભ્ય ગુબ્બી એસ આર શ્રીનિવાસે લોકડાઉનના નિયમોનું ઉલ્લંધન કર્યું હતું.
કર્ણાટકમાં કોરોના વાયરસના કેસ
ઉલ્લેખનીય છે કે ભારતમાં કોરોના વાયરસ ઝડપથી ફેલાઇ રહ્યો છે. અને અત્યાર સુધીમાં કોરોના વાયરસ સંક્રમણના 70 હજારથી વધુ કેસ સામે આવી ચૂક્યા છે. તો કર્ણાટકમાં જ અત્યાર સુધી 862 લોકો આ વાયરસનો ભોગ બની ચૂક્યા છે.