આજે કર્ણાટકમાં એવા લગ્ન થઈ રહ્યા છે જેની ચર્ચા ફક્ત કર્ણાટકમાં જ નહીં પણ આખા દેશમાં થઈ રહી છે. આ લગ્નને માટે હાલ સુધી તમે ફક્ત કલ્પના જ કરી હશે પણ આ એક અનોખા લગ્ન છે. BJP નેતાની દીકરીના લગ્ન જેમાં 500થી વધુ પંડિતો મંત્રોચ્ચાર કરશે. આ સાથે જ 500 કરોડ રૂપિયાના ખર્ચે 1 લાખ મહેમાનોને આવકારવામાં આવશે.
કર્ણાટકમાં આજે થશે અનોખા લગ્ન
BJP નેતાની દીકરી રક્ષિતાના ઉદ્યોગપતિ રવિ કુમાર સાથે થશે લગ્ન
આવી છે ખાસ લગ્નની ખાસ તૈયારીઓ
આરોગ્ય મંત્રી શ્રીરામુલુની પુત્રી રક્ષિતાના લગ્ન આજે 5 માર્ચે હૈદરાબાદના ઉદ્યોગપતિ રવિ કુમાર સાથે થશે. 9 દિવસ ચાલનારા આ લગ્નની શરૂઆત 27 ફેબ્રુઆરીથી થઈ હતી. આ લગ્ન દેશના સૌથી મોટા લગ્ન છે. આ પહેલા વર્ષ 2016માં જી.જનાર્ધન રેડ્ડીની પુત્રી બ્રાહ્મણીના લગ્નનો રેકોર્ડ હતો. આલીશાન આયોજન કરનારા રેડ્ડી હાલ પોતાના મિત્ર શ્રીરામુલુને લગ્નના આયોજનમાં મદદ કરી રહ્યા છે. ઉલ્લેખનીય છે કે આ લગ્નમાં 500 પંડિતો મંત્ર વાંચશે.
કેવી છે લગ્નની તૈયારીઓ ?
આ ભવ્ય સમારંભમાં રાજનેતાઓ સાથે 500 પૂજારીઓને આમંત્રણ આપવામાં આવ્યું છે.આ પૂજારીઓને રોકાવા માટે બેંગાલુરુમાં વિશેષ વ્યવસ્થા કરવામાં આવી છે.રક્ષિતાના લગ્ન માટે એક લાખ વિશેષ કાર્ડ બનાવવામાં આવ્યા છે.આ કાર્ડમાં આરોગ્યનું ખાસ ધ્યાન રાખવામાં આવ્યું છે.પોતે આરોગ્ય મંત્રી હોવાને કારણે શ્રીરામુલુએ આમંત્રણ પત્રિકાની સાથે કોસર, ઈલાઈચી, સિંદુર, હળદર અને અક્ષત સાથે રાખ્યું છે.
આ નેતાઓ રહેશે લગ્નમાં હાજર
શ્રીરામુલુએ પ્રધાનમંત્રી નરેન્દ્ર મોદી, ગૃહમંત્રી અમિત શાહ અને પાર્ટીના અન્ય મોટા નેતાઓને ખાસ આમંત્રણ આપ્યું છે.આ લગ્ન પેલેસ ગ્રાઉન્ડમાં થવાના છે જે લગભગ 40 એકરમાં ફેલાયેલું છે.27 એકરમાં લગ્ન સમારંભ યોજાશે જ્યારે 15 એકરમાં પાર્કિંગની વ્યવસ્થા કરવામાં આવી છે.તો લગ્નના સેટ માટે બોલિવુડના ખ્યાતનામ ડાયરેક્ટરને બોલાવવામાં આવ્યા છે.જે છેલ્લા ત્રણ મહિનાથી ભવ્ય સેટ તૈયાર કરી રહ્યા છે.
આ વ્યક્તિની ટીમ કરશે ફોટોગ્રાફી
પુત્રીના મેકઅપ માટે દીપિકા પાદુકોણના મેકઅપ આર્ટિસ્ટને બોલાવાયો છે. આ સાથે ફોટો અને વીડિયોગ્રાફી માટે જયરામન પિલ્લઈ અને દિલિપની ટીમને બોલાવાઈ છે. આ જ ટીમે મુકોશ અંબાણીની દીકરી ઈશા અંબાણીના શાહી લગ્નમાં ફોટો ખેંચ્યા હતા. અને વીડિયોગ્રાફી કરી હતી. રક્ષિતાના લગ્નના કપડા સાનિયા સરદારિયાએ ડિજાઇન કર્યા છે.
અહીં રોકાશે જાન
તો વરરાજાના પરિવાર અને મહેમાનોને રહેવા માટે તાજ વેસ્ટ ઈંડ હોટલમાં બુકિંગ કરાવાઈ છે. એક હજાર રસોઈયાઓ મહેમાનો માટે ખાસ ડીશ બનાવશે. તો એક એવો ખાસ ડાયશનગ બનાવવામાં આવી રહ્યો છે જેમાં 7 હજાર લોકો સાથે બેસીને જમી શકશે. 15 એકર જમીનમાં કાર પાર્કિંગ થશે અને સાથે જ 40 એકર જમીનનો લગ્ન માટે ઉપયોગ કરાશે.