કોરોના વાયરસ મહામારીનો કહેર દેશભરમાં ચાલી રહ્યો છે. સંક્રમિત દર્દીઓની સંખ્યા પણ સતત વધી રહી છે. દેશમાં અત્યારે મહારાષ્ટ્ર, તમિલનાડુ, દિલ્હી, ગુજરાત અને ઉત્તરપ્રદેશ પ્રભાવિત રાજ્યો છે. ત્યાર બાદ તેલંગાણા અને કર્ણાટક નવા હૉટસ્પોટ હોઈ શકે છે. બંને રાજ્યોમાં પોઝિટિવ કેસની સંખ્યા વધતી જોવા મળી રહી છે.
ભારતમાં વધી રહ્યો છે કોરોનાનો કહેર
કર્ણાટક અને તેલંગાણા બની શકે છે નવા હૉટસ્પોટ
આ બંને રાજ્યોમાં વધી રહ્યા છે કોરોનાના કેસ
તેલંગાણા અને કર્ણાટક કોરોના કેસમાં ઉંચા વૃદ્ધિદર, ઉંચા પોઝિટિવ દર અને કોરોનાના સૌથી વધુ પ્રભાવિત હોવાના કારણે નવું હૉટસ્પોટ બની શકે છે. તેલંગાણામાં મંગળવારે કોરોનાના કુલ 25733 નવા કેસ આવ્યા હતા. તેનાથી તેલંગાણા દેશમાં મહારાષ્ટ્ર, તમિલનાડુ, દિલ્હી, ગુજરાત અને ઉત્તરપ્રદેશ બાદ છઠ્ઠું સૌથી મોટું પ્રભાવિત રાજ્ય બન્યું છે.
છેલ્લા 2 અઠવાડિયામાં રાજ્યમાં કોરોનાના દર્દીની સંખ્યા ઝડપથી વધી રહી છે. તેલંગાણામાં છેલ્લા 2 અઠવાડિયાથી રોજ 1219 નવા કેસ આવી રહ્યા છે. તેલંગાણા કોરોના તપાસમાં પાછળ છે. રાજ્યમાં દર દસ લાખ લોકોમાંથી 3284 લોકોનું પરીક્ષણ કરાય છે જ્યારે રાષ્ટ્રીય સ્તરે આ 7661 કેસ છે. 2210 ટેસ્ટિંગ સાથે બિહાર સૌથી પાછળ છે જ્યારે તેલંગાણા અન્ય સ્થાને છે. આ બે રાજ્યોમાં કોરોનાના કેસની તપાસ અન્ય રાજ્યોથી ઓછી છે. 20,535 કોરોના કેસ અને 1419 મોત સાથે હૈદરાબાદ રાજ્યમાં સૌથી વધુ પ્રભાવિત શહેર છે.
કર્ણાટક સાતમું પ્રભાવિત રાજ્ય
કર્ણાટકમાં અત્યારે કોરોના કેસમાં વધારો થઈ રહ્યો છે મંગળવારે અહીં 25317 કેસ નોંધાયા છે. કર્ણાટક દેશનું સાતમું પ્રભાવિત રાજ્ય બન્યું છે. છેલ્લા 2 અઠવાડિયામાં અહીં રોજ 1137 કેસ આવી રહ્યા છે. પહેલાં આ સંખ્યા ફક્ત 260 હતી.
તેલંગાણા કોરોના પોઝિટવિ દરમાં પહેલા સ્થાને
તેલંગાણા અત્યારે કોરોના પોઝિટિવ દરમાં પહેલા સ્થાને છે. ત્યારબાદ મહારાષ્ટ્ર, તમિલનાડુ, દિલ્હી અને ગુજરાત છે. ત્યારબાદ કર્ણાટકનો ક્રમ આવે છે.