શ્રીનિવાસ ગૌડા નામના શખ્સે આઈટી નોકરી છોડીને 8 જૂને ગધેડા પાળવા માટે ફાર્મ શરૂ કર્યું. હવે તેની પાસે દૂધ માટે લાખો રૂપિયાનો ઓર્ડર આવે છે.
કર્ણાટકમાં ગધેડાનું પહેલું ફાર્મ
શખ્સે છોડી ITની નોકરી
હવે દૂધ વેચી કમાય છે 17 લાખ
જે નોકરી મેળવવા માટે વ્યક્તિ અભ્યાસ કરે છે અને પછી એક મલ્ટીનેશનલ કંપનીમાં જોબનું સપનું જોવે છે. પરંતુ કર્ણાટકના એક વ્યક્તિએ આવી જોબને લાત મારી દીધી કારણ કે તેને 'ગધેડી'ના દૂધનો બિઝનેસ કરવો હતો.
દેશભરમાં આ ફાર્મની ચર્ચા
42 વર્ષના શ્રીનિવાસ ગૌડાએ એવુ અનોખુ કામ કર્યું છે જેનાથી દેશભરમાં તેની ચર્ચા થઈ રહી છે. તેમણે 8 જૂને દક્ષિણ કન્નડ જિલ્લાના એક ગામમાં જઈને ગઘેડા પાળવા માટે ફાર્મ ખોલ્યું છે. કર્ણાટકમાં આ ગધેડાનું પહેલું ફાર્મ છે અને દેશમાં બીજુ છે. આ પહેલા કેરળના એર્નાકુલમ જિલ્લામાં ગધેડા પાળવા માટે એક ફાર્મ ખોલવામાં આવ્યું હતું.
સોફ્ટવેર કંપનીમાં છોડી નોકરી
ગ્રેજ્યુએશન સુધી અભ્યાસ કરી ચુકેલા શ્રીવાસ ગૌડા પહેલા સોફ્ટવેર કંપનીમાં નોકરી કરતા હતા. બાદમાં તેમણે નોકરી છોડીને વર્ષ 2020માં તેમના ગામમાં લગભગ 2.3 એકડના પ્લોટમાં ગધેડા પાળવાનું શરૂ કર્યું. તે પહેલા તે ખેતી અને અમુક અન્ય જાનવર પાળતા હતા. સસલા, મરઘાની સાથે તે 20 ગધેડા લાવ્યા.
તેમણે જણાવ્યું કે તેમને ગધેડા શોધવામાં પણ મુશ્કેલી આવી હતી કારણ કે હવે તેમનો કોઈ ઉપયોગ નથી થતો. લોકોએ તેમના આ કામનો મજાક ઉડાવ્યો કારણ કે તેમને ખબર ન હતી કે ગધેડાનું દૂધમાં વધારે ફાયદા હોય છે.
દૂધ માટે લાખોના ઓર્ડર
શ્રીનિવાસ ગૌડા અનુસાર ગધેડીનું દૂધ સ્વાદિષ્ટ, મોંઘુ અને ઔષધીય ગુણોથી ભરપૂર હોય છે. હવે તે તેનું પેકેજીંગ કરીને વેચવાના છે. તમે પણ જાણીને ચોંકી ઉઠશો કે ગધેડીનું 30 મીલીલિટર દૂધ 150 રૂપિયામાં વેચાય છે.
ગૌડા તેનું પેકેજીંગ કરીને મોલ્સ, દુકાનો અને સુપરમાર્કેટમાં સપ્લાય કરશે, બ્યૂટી પ્રોડક્ટ્સમાં પણ તેનો ઉપયોગ થાય છે. એવામાં તે હાલ તેને સીધુ વેચવાના છે. એક રિપોર્ટ અનુસાર તેની પાસે અત્યાર સુધી 17 લાખ રૂપિયાનો ઓર્ડર પણ આવી ચુક્યા છે.