બોલિવૂડની દિગ્ગજ અભિનેત્રી કરિશ્મા કપૂર 90ના દાયકાની ખૂબ જ સુંદર, ટેલેન્ટેડ અને બોલ્ડ અભિનેત્રી છે. 90ના દાયકામાં કરિશ્માની ઈન્ડસ્ટ્રીમાં બોલબાલા હતી. કરિશ્માની ફિલ્મો ફેન્સને ખૂબ જ પસંદ આવતી હતી. વર્ષ 1996માં આવેલી ફિલ્મ રાજા હિન્દુસ્તાની તો લગભગ બધાંને યાદ જ હશે. આ ફિલ્મ બ્લોકબસ્ટર હિટ સાબિત થઈ હતી. ફિલ્મના 24 વર્ષ પછી કરિશ્માએ આ ફિલ્મથી જોડાયેલું એક રહસ્ય જણાવ્યું.
24 વર્ષ પછી કરિશ્મા કપૂર રાજા હિન્દુસ્તાનીના કિસિંગ સીનનું ખોલ્યું રહસ્ય
જણાવ્યું કેવી સ્થિતિમાં આ સીનનું શૂટિંગ કરાયું હતું
હવે વેબ સીરિઝમાં એન્ટ્રી કરી રહી છે એક્ટ્રેસ
વર્ષ 1996માં આવેલી આ ફિલ્મમાં કરિશ્માની સાથે અભિનેતા આમિર ખાન પણ મુખ્ય ભૂમિકામાં હતો. આ ફિલ્મને દર્શકોનો ખૂબ જ પ્રેમ મળ્યો હતો. જોકે, આ ફિલ્મનો એક સીન ખૂબ જ ચર્ચામાં રહ્યો હતો. આ સીન હતો કરિશ્મા અને આમિરની વચ્ચેનો કિસિંગ સી. આ સીન એ સમયમાં ખૂબ ચર્ચામાં રહ્યો હતો. હવે કરિશ્માએ જણાવ્યું કે, આ સીન કરતી વખતે તેને ધ્રૂજારી ચડી ગઈ હતી.
એક ઈન્ટરવ્યૂમાં કરિશ્માએ જણાવ્યું કે, રાજા હિન્દુસ્તાનીને લઈને બહુ બધી યાદો જોડાયેલી છે, પરંતુ આ ફિલ્મ આવી ત્યારે આ ફિલ્મનું કિસિંગ સીન લોકોમાં ઘણું જ ચર્ચામાં રહ્યું હતું. પરંતુ ફેન્સ નથી જાણતા કે આ સીન શૂટ કરવામાં અમને ત્રણ દિવસ લાગી ગયા હતા. મને ધ્રૂજારી ચડી રહી હતી અને બસ હું એ જ વિચારી રહી હતી કે ક્યારે આ કિસિંગ સીન ખતમ થશે, કારણ કે ફેબ્રુઆરીના મહિનામાં ઊટીમાં એટલી ઠંડી હતી અને સીન સાંજે 6 વાગ્યે શૂટ કરવામાં આવ્યો હતો.
ઉલ્લેખનીય છે કે, હાલ કરિશ્મા ઈન્ડસ્ટ્રીથી ઘણી દૂર છે, તેમ છતાં તેની ફ્રેન્ડ ફોલોઈંગ બરકરાર છે. ફિલ્મ ઈન્ડસ્ટ્રીથી દૂર થયા બાદ હવે કરિશ્મા ડિજિટલ ડેબ્યૂ કરવાની છે. કરિશ્મા ટૂંક જ સમયમાં ઝી5 પર વેબ સીરિઝ મેન્ટલહુડમાં જોવા મળશે.
આ વેબ સીરિઝમાં કરિશ્માની સાથે સંજય સૂરી, સંધ્યા મૃદુલ, ડિનો મોરિયા, શિલ્પા શુક્લા, શ્રુતિ શેઠ અને તિલોત્તમા સોમ મુખ્ય ભૂમિકામાં જોવા મળશે. આ વેબ સીરિઝ મલ્ટિ-ટાસ્કિંગ મહિલાઓ પર આધારિત છે, જે કામ સાથે બાળકોના ઉછેર અને પરિવારની સંભાળ રાખે છે. આ વેબ સીરિઝ કરિશ્મા કોહલીના નિર્દેશનમાં બનાવવામાં આવી છે.