આજે કારગિલ યુધ્ધને 20 વર્ષ પૂર્ણ થયા છે. આજના દિવસે 26 જુલાઇ 1999ના રોજ ભારતે પાકિસ્તાનને હરાવી કારગિલ યુધ્ધ જીત્યું હતું. દર વર્ષે આજના દિવસને વિજય દિવસ તરીકે ઉજવવામાં આવે છે. આ યુધ્ધ અંદાજે બે મહિના સુધી ચાલ્યું હતું.
જેમાં ભારતીય જવાનોને પોતાની વિરતા અને સાહસનું એવું ઉદાહરણ આપ્યું જેના પર દેશવાસીઓને ગર્વ છે. આ યુધ્ધમાં પોતાનું સાહસ દાખવનારા જવાનોને આજે પણ એ દિવસો યાદ છે.
જેમાં આજે એવા પિતા-પુત્રની વાત છે જેમણે કારગિલ યુધ્ધ એકસાથે લડયું અને ગેલેન્ટ્રી એવોર્ડ પણ પ્રાપ્ત કર્યો.
આ પિતા-પુત્રની જોડીનું નામ લેફટેનન્ટ એએમ ઓલ અને કર્નલ અમિત ઓલ છે. આ કદાચ એક માત્ર કમાન્ડર હશે જેમણે પોતાના દિકરા સાથે યુધ્ધમાં ભાગ લીધો હતો. પિતા-પુત્રએ એકવાર ફરી આ યુધ્ધની યાદોને તાજી કરવા દ્રાસ પહોંચ્યા હતા.
લેફટેનન્ટ જનરલ ઓલ યુધ્ધ દરમિયાન 56 માઉન્ટેન બ્રિગેટના કમાન્ડર હતા. જેમાં રણનીતિક ટાઇગર હિલ પર કબ્જો કર્યો હતો. તેઓ વેસ્ટર્ન કમાન્ડના ચીફ ઓફ સ્ટાફના પદ પરથી નિવૃત્ત થયા છે. લેફટેનન્ટ જનરલ ઓલ (તત્કાલિન બ્રિગેડિયર) 56-માઉન્ટેન બ્રિગેડનું નેતૃત્વ કરતાં હતા અને અમિત (તત્કાલિન 3/3 ગોરખા રાઇફલ્સના સેકન્ડ લેફટેનન્ટ) મારપો લા ક્ષેત્રને ઓપરેટ કરી રહ્યાં હતા.
પિતા-પુત્રને યુધ્ધમાં વિરતા અને સાહસ બતાવવા માટે ગેલેન્ટ્રી એવોર્ટ પ્રદાન કરવામાં આવ્યો હતો. જનરલ ઓલને ઉત્તમ યુધ્ધ સેવા મેડલ અને અમિતને સેના મેડલ મળ્યો હતો. આમ લેફટેનન્ટ જનરલ એએન ઓલ કદાચ એકમાત્ર એવા કમાન્ડર હતાં જેમણે પોતાના દિકરા કર્નલ અમિત કોલ સાથે કારગિલ યુધ્ધમાં ભાગ લીધો હતો.
આ અંગે અમિતે જણાવ્યું હતું કે મારા પિતાએ મને સલાહ આપી હતી કે માને બધું ના કહું. તું એક જવાન છે જેનું કામ યુધ્ધ કરવાનું છે. અમિતે કહ્યું કે યુધ્ધ દરમિયાન તેમના પિતા સાથે વાતચીત થઇ નહી અને બંને યુધ્ધ પુરુ થયા બાદ લગભગ બે મહીનાથી પણ વધારે સમય બાદ મળ્યાં હતા.