બૉલીવુડ / ત્રીજીવાર પ્રેગ્નેન્સીની વાતો પર કરીના કપૂરે કર્યો ખુલાસો, કહ્યું સૈફ અલી ખાને પહેલા જ દેશની વસ્તી....

• પ્રેગ્નેન્સીની વાતને કરીનાએ પોતે જ અફવા ગણાવીને શેર કરી એક પોસ્ટ 
• આ દેશમાં વસ્તી વધારવામાં સૈફે પહેલા જ ઘણું યોગદાન આપી દીધું છે - કરીના 

અભિનેત્રી કરીના કપૂર ખાનને લઈને સોશ્યલ મીડિયા પર એક અફવા જોર પકડી રહી હતી. એવી વાતો થઈ રહી હતી કે કરીના કપૂર ફરી એક વખત પ્રેગ્નેટ છે. આ અફવા આગની જેમ ફેલાઈ હતી અને એમના દરેક ફેન્સ જાણવા માટે આતુર હતા કે શું કરીના સછે જ ફરી એક વખત પ્રેગ્નેટ છે. હાલ કરીનાએ પોતે જ આ વાતને અફવા ગણાવીને લોકોના દરેક પ્રશ્નોના જવાબ આપી દીધા છે. 

કરીના કપૂર ખાને તેની ઇંસ્ટા સ્ટોરી પર એક પોસ્ટ શેર કરી છે જેમાં તેને સાફ સાફ શબ્દોમાં લખ્યું છે કે તે પ્રેગ્નેટ નથી. એ પોસ્ટમાં કરીના એ લખ્યું છે કે' શાંતિ રાખો, આ બસ પાસ્તા અને વાઇનનો અસર છે, હું પ્રેગ્નેટ નથી. સેફ પણ એમ જ કહે છે કે આ દેશમાં વસ્તી વધારવામાં એમને પહેલા જ ઘણું યોગદાન આપી દીધું છે. ' 

જો કે કરીનાએ આ વાતને અફવા ગણાવીને લોકોની આતુરતાનો અંત લાવી દીધો છે પણ આ વાત ફેલાઈ કઈ રીતે અને ક્યાંથી લોકોને લાગવા લાગ્યું કે કરીના ફરી પ્રેગ્નેટ છે એ વિશે જાણીએ. બોલીવુડની સુંદર અભિનેત્રી કરીના કપૂર ખાન પોતાના પરિવાર સાથે કેટલાંક દિવસોથી લંડન વેકેશન એન્જોય કરી રહી હતી. કરીના પોતાના ડ્રીમ વેકેશનને પોતાના પતિ સૈફ અલી ખાન અને બાળકો તૈમૂર અને જેહ સાથે પોતાના સુંદર પારિવારિક સમયને યાદગાર બનાવી રહી હતી. સ્ટાર દંપત્તિના વેકેશનની અનેક તસ્વીરો પ્રશંસકોના દિલને સ્પર્શી પરંતુ સૈફ અને કરીનાની એક અનસીન તસ્વીર ખાસ કારણથી ચર્ચાનો વિષય બની ગઈ હતી. 

 

 

 

 

View this post on Instagram

 

 

 

 

 

 

 

 

 

 

 

A post shared by Kareena Kapoor Khan FC (@kareenakapoorteam)

કરીના કપૂર પોતાના સોશિયલ મીડિયા એકાઉન્ટ પર તેના વેકેશનની તસ્વીરો સતત શેર કરી રહી હતી. જેના પર પ્રશંસકો પોતાનો પ્રેમ પણ વરસાવી રહ્યાં હતા પરંતુ કરીનાના ફેન પેજ પર તેમની અને સૈફની એક અનસીન તસ્વીર વાયરલ થઇ હતી, જે સામે આવતા જ કરીના ત્રીજી વખત પ્રેગ્નેન્ટ હોવાના અહેવાલે જોર પકડયું હતું.