કરીના કપૂરે સોશિયલ મીડિયા પોસ્ટ દ્વારા જાણકારી આપી કે તેનો નાનો પુત્ર જેહ પણ ફિલ્મ લાલ સિંહ ચડ્ઢાનો ભાગ છે. જુઓ આ પોસ્ટ
લાલ સિંહ ચડ્ઢામાં કરીનાનાં પુત્ર જેહે પણ કર્યું છે કામ
કરીનાએ પોસ્ટ શેર કરી આપી જાણકારી
પ્રેગ્નન્સીમાં પણ કરીના કપૂરે કર્યું હતું કામ
બોલિવુડ એક્ટ્રેસ કરીના કપૂર આજકા પોતાની અપકમિંગ ફિલ્મ 'લાલ સિંહ ચડ્ઢાં'ને લઈને ચર્ચામાં છે. લાંબી રાહ બાદ આ ફિલ્મનું ટ્રેલર સામે આવ્યું છે. ફેન્સ હવે આ ફિલ્મનાં રિલીઝની આતુરતાથી રાહ જોઈ રહ્યા છે. આ વચ્ચે કરીના કપૂરે એવી વાત કહી જે સાંભળી તેમના ફેન્સ ખુશખુશાલ થઇ ગયા છે.
કરીનાની પોસ્ટ
કરીના કપૂરે સોશિયલ મીડિયા પર એક પોસ્ટ શેર કરી જણાવ્યું છે કે હવે તેનો નાનો દીકરો જેહ અલી ખાન ફિલ્મ 'લાલ સિંહ ચડ્ઢા'નો હિસ્સો છે, એટલા માટે આ ફિલ્મ તેમના માટે ઘણી સ્પેશિયલ છે. કરીના કપૂરે પોતાના સોશિયલ મીડિયા અકાઉન્ટ પર ફિલ્મ 'લાલ સિંહ ચડ્ઢા'નું ટ્રેલર શેર કર્યું છે. આ સાથે જ કરીનાએ લખ્યું છે કે એક મહામારી, બે લોકડાઉન અને પછી એક બેબી. મારી સૌથી સ્પેશિયલ ફિલ્મોમાંથી એક છે કેમકે મારો જેહ બાબો પણ આ ફિલ્મનો હિસ્સો છે. અદ્વૈત અને આમિરને ધન્યવાદ, જેમણે ન માત્ર મને પણ અમને બંનેને આમાં સામેલ કર્યા. આ એક એવી વસ્તુ છે, જેને હું હંમેશા સંભાળીને રાખીશ. જણાવી દઈએ કે ફિલ્મના શૂટિંગ સમયે કરીના પ્રેગ્નન્ટ હતી એટલા માટે તેણે જેહને પણ આ ફિલ્મનો ગણાવ્યો છે.
પ્રેગ્નન્સીમાં કર્યું કામ
જણાવી દઈએ કે ફિલ્મ લાલ સિંગ ચડ્ઢાનાં શુટિંગ દરમિયાન, કરીના કપૂર પોતાના બીજા દીકરા જેહ અલી ખાન સાથે પ્રેગ્નન્ટ હતી. તેમણે ગયા વર્ષે 21 ફેબ્રુઆરી, 2021નાં રોજ જેહને જન્મ આપ્યો હતો. કરીનાએ પોતાની પ્રેગ્નન્સીમાં ખૂબ જ કામ કર્યું અને આ ફિલ્મના શૂટને કમ્પલીટ કર્યું. આટલું જ નહીં, ફિલ્મના ઘણા ભાગ તો કરીનાએ જેહની ડિલીવરી બાદ પણ શૂટ કર્યા.
હોલીવુડ ફિલ્મની રીમેક
અદ્વૈત ચંદનની ફિલ્મ લાલ સિંહ ચડ્ઢા 11 ઓગસ્ટનાં રોજ સિનેમાઘરોમાં રિલીઝ થવા જઈ રહી છે. આ ફિલ્મ હોલીવુડ એક્ટર ટોમ હેન્ક્સની ફિલ્મ ફોરેસ્ટ ગંપની રીમેક છે. જણાવી દઈએ કે આ ફિલ્મ માટે ટોમ હેન્ક્સને ઓસ્કાર એવોર્ડ પણ મળ્યો હતો. આ ફિલ્મને હોલીવુડની શાનદાર ફિલ્મોમાંની એક માનવામાં આવે છે. હવે આમિર ખાનની લાલ સિંહ ચડ્ઢા પણ આવી જ કમાલ કરી બતાવશે કે નહીં એ તો સમય જ જણાવશે.