કરીનાની કોન્ટ્રોવર્શિયલ બુક 'પ્રેગ્નન્સી બાઈબલ'માંથી નાના દિકરા 'જેહ'ની તસ્વીર થઈ લીક?
કરીનાએ 9 જુલાઈએ બુક 'પ્રગ્નેન્સી બાઈબલ' લોન્ચ કરી
તેમાંથી જેહની તસ્વીર લીક થઈ હોવાનો દાવો
કરીનાના ફેન ક્લબે શેર કરી તસ્વીર
કરીના કપૂર ખાને ગઈ 9 જુલાઈએ પોતાની પહેલી બુક 'પ્રગ્નેન્સી બાઈબલ' લોન્ચ કરી છે. આ પુસ્તક તેના ટાઈટલને લઈને કોન્ટ્રોવર્સીમાં છે. આ વચ્ચે કરીનાના ફેન પેજ પર અમુક તસ્વીરો વાયરલ થઈ રહી છે. આ તસ્વીરોને લઈને દાવો કરવામાં આવી રહ્યો છે કે આ તેના દિકરા તૈમૂર અને જેહની તસ્વીર છે. જેને પુસ્તકમાંથી લેવામાં આવી છે. જણાવી દઈએ કે કરીનાએ અત્યાર સુધી તેના નાના દિકરાની એક પણ તસ્વીર સોશિયલ મીડિયા પર ફેન્સ સાથે શેર નથી કરી.
લોકો તસ્વીર પર આપી રહ્યા છે રિએક્શન
કરીના કપૂરી બીજી પ્રેગ્નેન્સી પહેલાની જેમ જ ખૂબ ચર્ચામાં હતી. તેનો દિકરો તૈમૂર અત્યારથી જ ખૂબ જ ફેમસ સ્ટારકિડ છે. તે ખૂબ જ ક્યૂટ દેખાય છે અને પાપારાજીના પણ તે ફેવરેટ છે. કરીનાએ અત્યાર સુધી પોતાના નાના દિકરાની તસ્વીર શેર નથી કરી. હવે એક ફેન પેજ પર બે તસ્વીરો શેર કરવામાં આવી છે અને તેવો દાવો કરવામાં આવી રહ્યો છે કે તેમાંથી એક તૈમૂર છે અને બીજો જેહ છે. કરીનાએ હાલમાં જ પોતાની પ્રેગ્નન્સી સાથે જોડાયેલી બુક લોન્ચ કરી છે. જણાવવામાં આવી રહ્યું છે કે આ તસ્વીર તે બુકમાંથી લેવામાં આવી છે.
ફેન પેજ પર કરવામાં આવ્યો આ દાવો
કરીનાના ફેન પેજ પર કેપ્શનમાં લખવામાં આવ્યું છે કે કરીનાના પુસ્તકમાં અમુક અનોખી તસ્વીરો પણ શેર કરવામાં આવી છે. એમાં પહેલી તસ્વીર તૈમૂરની છે અને બીજી જેહની છે. જણાવી દઈએ કે કરીના અને સેફ દિકરાને મીડિયાના ગ્લેમરથી દૂર રાખવા માંગે છે. કરીના ફેબ્રુઆરીમાં માતા બની હતી અને અત્યાર સુધી તેમણે દિકરાનો ચહેરો સોશિયલ મીડિયા પર શેર નથી કર્યો. તેમણે અમુક તસ્વીરો શેર કરી હતી જેમાં તૈમૂરના નાના ભાઈની ઝલક દેખાઈ રહી હતી. અગાઉ પણ અનેક ફેન ક્લબ દ્વારા સેલેબ્સના દિકરા-દિકરીઓની ફેક તસ્વીરો વાયરલ થઈ છે. હવે કરીનાના દિકરાની આ તસ્વીર સાચી છે કે નહીં તે સમય આવતા જ ખબર પડશે.